افغانستانده طالبان نینگ اینگ کتته قوماندان لری دن بیری اولدیریلدی

قندوز ولایتیده اویوشتیریلگن هوائی عملیات نتیجه سیده, طالبان نینگ سوزده قندوز والیسی اولدیریلدی. 

افغانستان مقام لری, ناتو کوچ لری نینگ پیلوت سیز طیاره لری تامانیدن دشت ارچی اولسواللیگی نینگ نهر کهنه منطقه سیده گی طالبان کمپی نینگ بمباردمان قیلینگن لیگی نی بیلدیردی.

اوشبو عملیات نتیجه سیده قندوز ولایتی نینگ سوزده والیسی مولوی عبدالسلام نینگ اولدیریلگن لیگی نی بیلدیرگن مقام لر, سلام بیلن بیرگه ینه سککیز طالبان جنگری سی نینگ هم اولدیریلگن لیگی نی معلوم قیلدی. 

بیراق, طالبان ایسه اوشبو خصوصده حاضرگه چه انیق بیر بیانات بیرگن ایمس.