افغانستانده طالبان ینه یولاوچی لر نی آلیب قاچیردی

افغانستانده طالبان ینه یولاوچی لر نی آلیب قاچیردی

افغانستان نینگ غربی منطقه لری پولیسی نینگ سوزلاوچیسی عبدالاحد ولی زاده, طالبان جنگری لری نینگ غور ولایتی فیروز کوه شهری یولیده بیرلشگن ملت لر تشکیلاتی دنیا غذائی مواد برنامه سی نینگ پرسونلی گه باغلیق بیر عراده موتر نی توخته تیب ایچیده گی ۶ نفر یولاوچی نی آلیب قاچیرگن لیک لری نی بیلدیردی. 

سوزلاوچی اوشبو کیشی لرنینگ ۳ نفری نینگ دنیا غذائی مواد برنامه سی نینگ پرسونلی و ایککی کیشی سی نینگ ایسه عیال اوقوتوچی لر دن عبارت ایکن لیک لری نی معلوم قیلدی.

عینی دمده ولی زاده, خودی منه شوو کیشی لرنینگ قییرگه آلیب کیتیلگن لیک لری نینگ انیق ایمس لیگی نی بیلدیردی. 

بیراق, طالبان سوزلاوچی سی ذبیح الله مجاهد اوشبو حادثه دن خبری نینگ بولمه گن لیگی نی معلوم قیلدی.