ترکیه و امریکا کابل ده گی تروریستیک حادثه نی محکوم ایتدی
امریکا قوشمه ایالتلری هم خائینانه هجومنی قاره له دی
ترکیه و امریکا کابل ده گی تروریستیک حادثه نی محکوم ایتدی
افغانستان نینگ پایتختی کابل ده 80 کیشی نینگ اولیشی گه باعث بولگن انتحاری هجوم حادثه سینی ترکیه و امریکا قوشمه ایالتلری تشقی ایشلر وزیرلیک لری قاره لب چیقدی.
ترکیه تشقی ایشلر وزیرلیگی مذکور تروریستیک حادثه نی قتیق بیر شکلده محکوم ایتیب، حادثه ده اولگن لرگه جنت، یره لنگن انسانلرگه عاجل شفا تیله گن. اوشبو قیغوداشلیک پیامیده اولکه نی استقرارسیزلیک تامان آلیب بارماقچی بولگن لرنینگ موفق بولیشینی نینگ ممکن ایمس ایکن لیگی، ترکیه نینگ افغانستان حکومتی گه تروریزم گه قره ته مجادله توغریسیده همکارلیگی اورغولنگن.
امریکا قوشمه ایالتلری هم خائینانه هجومنی قاره له دی!
تشقی ایشلر وزیرلیگی تامان ترقه تیلگن بیاناتده امریکا قوشمه ایالتلری نینگ حادثه بیلن تیگیشلی تحقیق توغریسیده همکارلیک قیلیش گه آماده ایکن لیگی جمهور رئیس اشرف غنی گه بیلدیریلگن لیگی قید ایتیلگن.
مذکور بیاناتده پایتخت کابلده انسانلرنینگ قانونی حقی بولگن صلحانه نمایش جریانیده اولگن لیکلری و هجومچیلرنینگ آرقه سیده گی گروه لرنینگ اوز آماج لریگه ییتیب بارالمس لیکلری افاده ایتیلگن.
هزاره لر، ترکمنستان و اوزبیکستان دن کیلیب، پاکستان تمان اوتیب کیته دیگن توتاپ انرژی پروژه سی نینگ هزاره جات منطقه سی بولگن بامیان آرقه لی اوتیشینی ایسته ماقده دیر. بیراق افغانستان جمهور رئیسی محمد اشرف غنی هزاره لرنینگ بو ایسته گینی پروژه نینگ خرجتی نینگ آرتیب کیترلیگینی معلوم قیلیب، قبول قیلمه گن ایدی.
