ترکیه نینگ افغانستان گه یاردملری دوام ایتماقده

ترکیه نینگ افغانستان گه قره تیلگن یاردم لری دوام ایتماقده. 

ترکیه همکارلیک و کوردیناسیون آژانسی تیکا, افغانستان پایتختی کابلده ۵ مینگ دن آرتیغراق اوقوچیسی بولگن بی بی سروری سنگری مکتبی گه کیمیا, فزیک, بیولوژی و کمپیوتر لابراتوار لری قوریب بیردی. 

اوشبو مکتبده بولیب اوتگن مراسم گه تیکا نینگ کابل نماینده سی سلیمان شاهین, افغانستان معارف وزیرلیگی نینگ مسئول لری و کوپلب اوقوچی اشتراک ایتدی. 

شاهین, قیلگن صحبتی جریانیده لابراتوارلردن تشقری مکتب نینگ باشقه ایریم ضرورت لری نی هم تامین ایتیب بیرگن لیک لری نی بیلدیررایکن, اوشبو یاردم لر نتیجه سیده مکتبده گی اوقوچی لرنینگ ینه ده یخشیراق بیر شرایط ده اوقیش امکانیتی گه ایگه بوله دیگن لیک لری نی معلوم قیلدی.

شاهین, ترکیه نینگ فرقلی ساحه لر بوییچه افغانستان گه قره تیلگن یاردم فعالیت لری نینگ دوام ایته دیگن لیگی نی ایسله تیب اوتدی. 

مکتب نینگ مدیره سی رابعه عبدالله ایسه ترکیه نینگ اوشبو یاردم لری اوچون اوز منتدارچیلیک لرینی بیلدیردی.