جنرال دوستم حرب ساحه سیگه کیردی تروریست گروهی قاچیب کیتدی
جنرال دوستم طالبان نینگ صلح پروسه سیگه قوشیلمه گن پیتده یمان وضعیتگه قالرلیگینی ایفاده ایتدی
جنرال دوستم حرب ساحه سیگه کیردی تروریست گروهی قاچیب کیتدی
افغانستان نینگ شمالی ولایت لری اینیقسه جوزجان ولایتیده اوزاق مدت دن بیری خوفسیزلیک برهم اورولگن دیر. خودی شو خوفسیزلیک نی تأمین لش اوچون افغانستان جمهور رئیس لیک بیرینچی اورین باسری جنرال عبدالرشید دوستم جوزجانگه تشریف بیوروب، قوش تپه ده گی حرب گه قتنشدی. جنرال دوستم نینگ افغانستان انقلابی بوییچه عملگه آشیرگن لیکلری اونینگ موفقیت لیگینی کورستماقده دیر. سونگی پیتلرده هم فاریاب ولایتی نینگ خوفسیزلیگینی تأمین لش اوچون تروریست گروهی طالبان گه قرشی مجادله قیلیب، فاریاب نینگ خوفسیزلیگینی تأمین له گن ایدی. بو بار ایسه جوزجان ولایتی نینگ قوش تپه اولوسوال لیگی گه بارگنده 700 کیشی طالبان گروهی نینگ قوش تپه نی ترک ایتیب، قاچیب کیتگن لیگی بیلدیریلدی.
جنرال دوستم ملکی اهالی گه خطاباً عملگه آشیرگن صحبتیده جوزجانگه اوروش اوچون کیلمه گن لیگینی طالبان نینگ صلح پروسه سیگه قوشیلیشینی ایسته گن لیگینی بیان ایتگن ایدی. دوستم جنابلری حرب نینگ حل یولی ایمس ایکن لیگینی یگانه یول نینگ صلح پروسه سیگه قوشیلیش ایکن لیگینی ایفاده ایتگن.
حاضرگچه جوزجان ولایتیده انچه منطقه تروریست گروهی طالبان نینگ قولیدن قوتقریلگن. بیراق توقنه شوو حادثه سی دوام ایتماقده دیر.
