جمهوررئیسی محمد اشرف غنی روسیه گه جونب کیتدی

افغانستان جمهوررئیسی محمد اشرف غنی بوگون (پنجشنبه) ایرته لب روسیه نینگ اوفا شهری گه جونب کیتدی.
غنی, خودی منه شو ییر نینگ اوزیده شانگهای همکارلیک تشکیلاتی و برازیل, روسیه, هندوستان, چین و جنوبی افریقا دن تشکیل تاپگن BRİCS رهبر لر ییغیلیشی گه اشتراک ایته دی.
ایککی کون لیک اوشبو سفری جریانیده تشقی ایش لر وزیری صلاوالدین ربانی, ملی امنیت مشاوری محمد حنیف اتمر و جمهوررئیسی نینگ اورته شرق بوییچه مشاوری شاکر کارگر دن عبارت یوقاری مرتبه لیک بیر افغانستان هیئتی جمهوررئیسی غنی بیلن همراه لیک ایتماقده.
خودی منه شو رهبر لر ییغیلیشی جریانیده غنی, افغانستان نینگ اقتصادی کوچی نینگ آرتریلیشی و افغانستان و منطقه ده تینچ لیک نینگ تامین ایتیلیشی بوییچه اوشبو تشکیلات لر نینگ رهبر لری بیلن صحبت ایته دی.
عینی دمده جمهوررئیسی غنی نینگ, اوشبو دایره ده مذکور رهبر لر بیلن داعش گه قرشی قندای قیلیب کوره ش آلیب باریلیشی توغری سیده هم بحث ایته دیگن لیگی معلوم قیلینماقده.