افضل لودین مدافعه وزیرلیگی کاندید لیگی دن انصراف ایتدی

افضل لودین کاندید لیک دن انصراف ایتدی.
افغانستان جمهوررئیس لیگی تمانیدن بیریلگن بیاناتده, جنرال محمد افضل لودین نینگ بیر اعلامیه نشر ایتیب مدافعه وزیرلیگی گه کاندید لیگی دن انصراف ایتگن لیگی معلوم قیلیندی.
جمهوررئیسی محمد اشرف غنی ایسه, لودین نینگ مجرب بیر نظامی کیشی دن عبارت ایکن لیگی نی بیلدیررایکن, اوشبو فکری گه حرمت کورسه تیتگن لیگی نی ایسله تیب اوتدی.
لودین, دوشنبه کونی افغانستان جمهوررئیس لیگی تمانیدن مدافعه وزیرلیگی گه کاندید قیلیب کورسه تیلگن ایدی.
لودین, نشر ایتگن اعلامیه سیده, ایریم تمان لرنینگ اونینگ نامزد لیگی اوچون اولکه ده قیین چیلیک لر یره تیش گه حرکت ایتیتگن لیگی سببلی اوشبو نامزد لیک دن واز کیچگن لیگی نی معلوم قیلدی.
براق, کیم لرنینگ نیمه هدف لر بیلن قندای قیین چیلیک لر یره تیش گه حرکت ایتیتگن لیگی خصوصیده ایسه هیچ قندای بیر معلومات نینگ موجود ایمس لیگی کورینماقده.