ولسی جرگه تمانیدن تائید و رد ایتیلگن نامزد وزیر لرنینگ لستی

ولسی جرگه ده نامزد وزیر لر بیلن علاقه لی رای گیرلیک بولیب اوتگن.
شوندای قیلیب ۱۸ نفر نامزد وزیر و امنیت رئیسی نینگ قبول یاکه رد ایتیلیشی گه تیگیشلی رای گیرلیک بولیب اوتدی.
هر نامزد وزیر نینگ رای کاغذی فرقلی رنگ گه ایگه ایدی.
خودی منه شو رای گیرلیک جریانی ده بکتاش سیاوش و رمضان بشردوست اوز رایی نی علنی بیر شکل ده بیردی.
معرفی بولگن ۲۵ نامزد وزیر و د افغانستان بانک و ملی امنیت ریاستی کاندید لری آره سیدن ۱۸ نفر نامزد وزیر و ملی امنیت ریاستی نینگ نامزدی پارلمان تمانیدن تائید ایتیلگن ایدی.
توناون نامزد وزیر لر پارلمان اعضا لری گه کیله جک ده گی برنامه لری باره سیده معلومات بیررایکن, وکیل لر تمانیدن بیریلگن سئوال لر گه جواب قیتردی.
رای گیرلیک نتیجه سیده قوییده گی نامزد لر پارلمان تمانیدن تائید ایتیلدی:
نصیر احمد درانی: قشلاق لر نی رواجلنتریش وزیرلیگی (۱۴۵ تائید رایی بیلن تائید ایتیلدی)
محمد اکلیل حکیمی: مالیه وزیرلیگی (۱۲۸ تائید رایی بیلن تائید ایتیلدی)
سید حسین عالمی بلخی: مهاجر لر وزیرلیگی (۱۳۴ تائید رایی بیلن تائید ایتیلدی)
فیروز الدین فیروز: ساغلیق نی سقلش وزیرلیگی (۱۷۰ تائید رایی بیلن تائید ایتیلدی)
داوود شاه صباح: معدن لر وزیرلیگی (۱۴۶ تائید رایی بیلن تائید ایتیلدی)
فیض محمد عثمانی : حج و اوقاف وزیرلیگی (۱۶۰ تائید رایی بیلن تائید ایتیلدی)
صلاح الدین ربانی: تشقی ایش لر وزیری (۱۵۱ تائید رایی بیلن تائید ایتیلدی)
نوالحق علومی: ایچکی ایش لر وزیری (۱۳۱ تائید رایی بیلن تائید ایتیلدی)
امنیت عمومی رئیسی: رحمت الله نبیل (۱۵۴ تائید رایی بیلن تائید ایتیلدی)
رای گیرلیک نتیجه سیده قوییده گی نامزد لر پارلمان تمانیدن رد ایتیلدی:
شیر محمد کریمی: ملی مدافعه وزیرلیگی (۹۶ تائید رایی بیلن رد ایتیلدی)
عباس بصیر: عامه فواید وزیرلیگی (۸۵ تائید رایی بیلن رد ایتیلدی)
عبدالرحمن صلاحی: انرژی و سو وزیرلیگی (۱۰۶ تائید رایی بیلن رد ایتیلدی)
سردار محمد رحیمی : تجارت وزیرلیگی (۱۱۱ تائید رایی بیلن رد ایتیلدی)
خاطره افغان: عالی تحصیلات وزیرلیگی (۷۱ تائید رایی بیلن رد ایتیلدی)
محمد گل زلمی یونسی: معارف وزیرلیگی (۹۰ تائید رایی بیلن رد ایتیلدی)
عبدالرحمن صلاحی : انرژی و سو وزیرلیگی (۱۰۶ تائید رایی بیلن رد ایتیلدی)
قمر الدین شینواری: چیگره لر و قبایل وزیرلیگی (۱۰۲ تائید رایی بیلن رد ایتیلدی)
عدلیه وزیرلیگی
سر محمد رحمان اوغلی: اقتصاد وزیرلیگی (۱۰۴ تائید رایی بیلن رد ایتیلدی)
برنا کریمی: مخابرات و مخابراتی تکنالوژی وزیرلیگی (۱۱۵ تائید رایی بیلن رد ایتیلدی)
فیض الله ذکی: ترانسپورت وزیر لیگی (۸۱ تائید رایی بیلن رد ایتیلدی)
عینی دمده بوگون ولسی جرگه ده بیر کیشی نینگ پارلمان اعضالیگی گه کاندید بولیشی اوچون لیسانس درجه سی گه ایگه بولیشی کیره ک ایکن لیگی یاکه هیچ بولمه سه بیر مرتبه وکیل بولگن بولیشی کیره ک ایکن لیگی گه قرار بیریلدی.
وکیل لر نینگ قالگن ۹ نفر نامزد وزیر بیلن علاقه لی رای گیرلیک نی کوتیب توره دیگن لیک لری یاکه قیش تعطیلاتی نی باشله تیب یوباره دیگن لیک لری ایسه انیق ایمس.