افغانستان ملی بیردملیک حکومتی کابینه سی نینگ روی خطی اعلان بولگن

افغانستان ملی بیردملیک حکومتی کابینه سی نینگ روی خطی اعلان بولگن.
اوزون مدتدن بویان افغانستان وزیرلیکلری نینگ اعلان بولیشی کوتیلماقده ایدی. بیراق ملی بیردملیک حکومتی نینگ اربابلری اوز آره لریده کیلشالمه گنلری اوچون اوز کابینه لرینی اعلان قیلمه گن ایدیلر. نهایتده بوگون دوشنبه افغانستان جمهور ریسی اشرف غنی احمدزی، افغانستان اجراییه ریسی داکتر عبدالله عبدالله و اورین باسرلری حضوریده اعلان بولدی.
شیرمحمد کریمی مدافعه وزیرلیگی، نورالحق علومی خوفسیزلیک وزیرلیگی، صلاح الدین ربانی وزارت تشقی ایشلر وزیرلیگی، غلام جیلانی پوپل مالیه وزیرلیگی، احمد سیر مهجور عدلیه وزیرلیگی،زلمی یونسی معارف وزیرلیگی، نجیبه ایوبی خاتین قیزلر وزیرلیگی، داکتر عباس بصیر فواید عامه وزیرلیگی، فیروز الدین فیروز ساغلیقنی سقلش وزیرلیگی، یعقوب حیدری زراعت وزیرلیگی، داوود صباح معدن وزیرلیگی، برنا کریمی مخابره ،بیلگی و تکنالوجی وزیرلیگی، نصیر احمد درانی احیا و انکشاف وزیری، خاطره افغان عالی اوقوو وزیری،محمود سیقل وزارت انرژی و سوو وزیرلیگی، سعادت نادری ایش و شهیدلر و معلوللر وزیرلیگی، سیدحسین عالمی بلخی مهاجرلر وزیرلیگی، فیض محمد عثمانی حچ و اوقاف وزیرلیگی، فیض الله کاکر مخدر موادلریگه قرشی مبارزه قیلیش وزیرلیگی، خانم آی‌سلطان خیری مدنیت وزیرلیگی، قمرالدین شینواری قوملر و حدودلر وزیرلیگی، سردار محمد رحمان اوغلی اقتصاد وزیرلیگی، سردار محمد رحیمی تجارت وزیرلیگی، رحمت الله نبیل ملی امنیت عمومی ریاستی ، فیض الله ذکی وزارت ترانسپورت وزیرلیگی، شاه زمان میوندی نامزد شهر سازلیک وزیرلیگی، خلیل صدیق أفغانستان ملی بانک ریاستی گه کاندید بیریلگن دیر.
اوشبو کاندیدلر أفغانستان ملی کینگشیدن ییترلی رای آلگندن کیین وزیرلیک پوستیگه ایگه بولیشلری ممکن دیر.