طالبان غزنی ده انتحاری هجوم اویشترگن

افغانستان نینگ غزنی شهری ده طالبان تمانیدن امنیت ریاستی گه قره ته اویشتریلگن بیر هجوم عاقبتیده ۱۵ کیشی جان بیررایکن, ۶۰ نفر ایسه یاره لندی.
غزنی والی سی موسی خان اکبرزاده, بوگون ایرته لب طالبان جنگری لری نینگ امنیت ریاستی نینگ اونگی ده منفجره مواد یوکلنگن بیر عراده موتر بیلن هجوم اویشترگن لیگی نی بلدردی.
قریب ایککی ساعت دوام ایتگن توقنشو لر آرتیدن ۱۳ نفر جنگری نینگ تاثیر سیز وضعیت گه کیتیریلگن لیگی نی بلدرگن اکبرزاده, ایککی نفر پولیس نینگ جان بیرگن لیگی نی معلوم قیلدی.
غزنی ملکی کسل خانه سی نینگ داکتری تاج محمد وردک ایسه, اوشبو حادثه عاقبتیده یاره لنگن ۶۰ کیشی نینگ کسل خانه گه کیتیریلگن لیک لری نی بلدررایکن, خودی منه شو کیشی لرنینگ ۲۳ نفری نینگ خوف سیزلیک کوچ لری دن عبارت ایکن لیک لری نی ایسله تیب اوتدی.
یاره لنگن کیشی لرنینگ ایریم لری نینگ وضعیتی نینگ یمان ایکن لیگی بلدریلدی.