اسرائیل نینگ سوریه ده هوا هجومی اویوشتیرگن لیگی ادعا ایتیلدی

اسرائیل نینگ, سوریه پایتختی دمشقده اورین آلگن مزه هوا قونلغه سی یقینیده گی حربی مرکز گه قره ته هوا هجومی اویوشتیرگن لیگی ادعا ایتیلدی. 

سوریه رهبریتی گه یقین اجتماعی ترماق صفحه لری, محلی وقت بیلن ساعت 22.50 ده, اسرائیل گه عاید اوروش اوچاق لری نینگ مزه هوا قونلغه سی یقینیده گی حربی مرکز گه هجوم اویوشتیرگن لیگینی ادعا ایتدی. 

حاضرچه اسرائیل و سوریه رهبریتی تامانیدن اوشبو هجوم بیلن علاقه لی هیچ قنده ی بیر بیانات بیریلمه گن. 

اسرائیل, ایچکی اوروش نینگ باشله گن میلادی 2011- ییلدن بیری سوریه ده ایریم پیتلرده ایران حمایه سیده گی گروه لر و سوریه اردوسی گه عاید حربی مرکز لر گه قره ته هجوم اویوشتیریب کیلماقده.