انگلستان اوکراین گه اون مینگلب توپ مرمی سی بیره دی

انگلستان, اوکراین گه جاری ییلده اون مینگلب توپ مرمی سی بیره دیگن لیگی نی معلوم قیلدی.

انگلستان مدافعه وزیرلیگی تامانیدن بیریلگن بیاناتگه کوره, اوکراین گه 300 مینگ دن آرتیق توپ مرمی سی بیرگن انگلستان, جاری ییلده ینه اون مینگلب توپ مرمی سی بیریش نی وعده بیردی. 

آلمانده بولیب اوتگن اوکراین مدافعه تماس گروپی ییغیلیشی آرتیدن بیانات بیرگن انگلستان مدافعه وزیری گرانت شاپس, اولکه سی نینگ اوکراین بیلن وازکیچیله آلمه یدیگن همکارلیگینی کورسه تیب بیرگن لیگینی بیلدیردی. 

شاپس, اوکراین گه حربی امکانیت تامین ایتیب بیریش بوییچه اورتاق لر و متفق لر نینگ همکارلیگی نی هم خرسندچیلیک بیلن کوتیب آلگن لیگینی معلوم قیلدی. 

انگلیس وزیر, اوشبو ییغیلیش دایره سیده امریکا قوشمه ایالتلری مدافعه وزیری لوید آستین و اوکراین مدافعه وزیری رستم عمروف بیلن هم اوچره شدی.