برازیل نینگ جنوبیده سیلده کوپلب کیشی حیاتینی یوقاتدی

برازیل نینگ جنوبی منطقه سیده هفته نینگ سونگّی دن بیری دوام ایتیاتگن تروپیکال طوفانده اولگن لر سانی 28 نفر گه ییتدی. 

منطقه والیسی ادواردو لیئیت, بیرگن بیاناتیده, تروپیکال طوفان نینگ سبب بولگن توپراق سیلجیشی و سوو تاشقینی عاقبتیده حیاتینی یوقاتگن لر سانی نینگ 28 نفر گه ییتگن لیگینی بیلدیردی. 

لیئیت, "ریودا گراند دو سول منطقه سیده, آلدین مثالی کورینمه گن اقلیمی بیر فلاکت گه دوچ کیلیب قالگن وضعیتده میز" دییه قید ایتدی. 

عینی دمده لیئیت, اولگن کیشی لر سانی نینگ آرتیب کیتیشی نینگ ممکن ایکن لیگینی بیلدیردی.

مسئول لر, ریودا گراند دو سول منطقه سیده 67 قصبه نینگ ققشتگیچ طوفان و سیل دن تاثیرلنگن لیگی, 1650 کیشی نینگ اوی سیز بولیب قالگن لیگی و 30 مینگ دن آرتیق کیشی نینگ ایسه اوتکینچی اوله راق امنیت جای لر گه کیتگن لیگینی معلوم قیلدی. 

برازیل جمهوررئیسی لوئز ایناسیو لولا دا سیلوا, طوفان سببلی حیاتینی یوقاتگن لرنینگ عایله لری گه قیغوداشلیک بیلدیررایکن, "خلققه یاردم ییتکزیب بیریش اوچون هر خیل سعی و حرکت لرنی قیله میز" دییه قید ایتگن ایدی. 

برازیلده ققشتگیچ یامغیر لرنینگ سبب بولگن سیل و توپراق سیلجیشی عاقبتیده جاری ییل نینگ دستلبکی کون لریدن بیری کوپلب کیشی حیاتینی یوقاترایکن, مینگلب کیشی ایسه اوی سیز بولیب قالدی.