نایجریاده آلیب قاچیریلگن اونلب کیشی قوییب یوباریلدی

نایجریانینگ زمفره ایالتیده قوراللی جنگریلر تامانیدن قولگه آلنگن 64 نفر باله و خاتین – قیز قوییب یوباریلدی.

زمفره ایالتی سوزچیسی سلیمان بالا، اردونینگ قوراللی جنگریلرگه قره تیلگن کوچلی عملیات آلیب بارگن لیگینی بیلدیردی.

بالا، عملیاتلر نتیجه سیده 64 نفر باله و خاتین – قیزنینگ آلیب قاچیرگنلر تامانیدن قوییب یوباریلگن لیگینی معلوم قیلدی.

زمفره ایالتی کوچلی عسکری سوقیات نینگ وضعیت گه اوزگریش کیلتیرگن لیگینی افاده ایتگن بالا، "بو ستراتیژی قوراللی جنگریلرنینگ اوستیده باسیم کیریتماقده. اولرنی قوشنی اولکه لرگه قاچیش گه و قوللریده گی اسیرلرنی قوییب یوباریش گه مجبور قیلدی." دیب ایتدی.

نایجریانینگ کوپلب منطقه سیگه قوراللی جنگریلر قاله ویرسه ترور تشکیلاتلری بوکوحرام و داعش نینگ غربی افریقا ترماغی ISWAP هجوملر اویوشتیرماقده.

اولکه ده اولکه دن آدم آلیب قاچیریش نینگ جزاسی اعدام بولگن حالده پول اوچون قاچیریش حادثه لری یوزبیرماقده. قوراللی جنگریلر عموماً اولکه شمالیده جایلشگن قیشلاقلر، مکتبلر و یولاوچیلرنی آماج قرار بیرماقده.