امریکانینگ فلوریدا ایالتیده فوق العاده وضعیت ایتیب اعلان قیلیندی

امریکا قوشمه ایالتلری دولت باشلیغی جو بایدن قریبلشگن ایدالیئا طوفانی نینگ تقریبی تاثیرلری طفیلی فلوریدا ایالتی اوچون فوق العاده وضعیت ایتیب اعلان قیلینیشینی تصدیقله دی.

آق اوی تامانیدن بیریلگن یازمه بیاناتده، بایدن نینگ 23 اگستدن باشلب تروپیکال ایدالیئا طوفانیدن یوزه گه کیلیب چیقه دیگن عاجل وضعیت شرطلری طفیلی ایالت، قبیله و محلی مداخله اورونیشلرینی قوللب – قوتلش اوچون فدرال یاردم بویروغینی تصدیقله گن لیگی" بیلدیریلدی.

بیاناتده "دولت باشلیغی نینگ بو قراری ایچکی خوفسیزلیک وزیرلیگی فدرال عاجل وضعیت باشقرووی آژانسی گه عاجل وضعیت نینگ محلی خلق نینگ اوستیده یراتگن قیینچیلیکلر و کلفت نی کمه یتیریش مقصدی بیلن برچه آفت اورونیشلرینی باشقریش و کیره کلی یاردملرنی تامین ایتیش اوچون صلاحیت بیرماقده." دییلدی.

امریکا قوشمه ایالتلریده گی 2024 ییلی سیلاوی اوچون جمهوریتچی حزبدن کاندید بولگن فلوریدا والیسی رون دی سنتیس کتته طوفان گه ایلنیش احتمالی بولگن شمال طفیلی سیلاو کمپاینینی توخته تیب قویدی.

دی سنتیس کمپاین گروهی واسطه سی بیلن اعلان قیلگن بیلدیرووده ایالتده قریبلشگن فلاکت گه تیارگرلیک کوریش اوچون سیلاو کمپاینی گه تیگیشلی فعالیتلرنی توخته تیب قوییلگن لیگینی بیلدیردی.

ایدالیئا طوفانی نینگ 30 اگست چهارشنبه کونی ایرته لب فلوریدا قیرغاقلریگه ییتیب باریشی تخمین ایتیلماقده.