تورکیه جمهوریتی جمهوررئیس اورینباسری بیرلشگن عرب امیرلیکلری دولت رهبری بیلن اوچره شدی

تورکیه جمهوریتی جمهوررئیس اورینباسری جودت ییلماز بیلن تورکیه مالیه و خزانه وزیری محمد شمشک بیرلشگن عرب امیرلیک لری گه تشریف بویوردی. 

اوشبو دایره ده ییلماز بیلن شمشک بیرلشگن عرب امیرلیک لری دولت رهبری محمد بن زاید آل نهیان بیلن اوچره شدی. 

پایتخت ابوظبی ده بولیب اوتگن اوچره شووده, تورکیه بیلن بیرلشگن عرب امیرلیک لری اورته سیده گی مناسبت لر و اقتصادی همکارلیک فرصت لری بهالنتیریلدی. 

بیرلشگن عرب امیرلیک دولت رهبری اورینباسری شیخ منصور بن زاید آل نهیان نینگ اشتراک قیلگن اوچره شووده, تورکیه نینگ ابوظبی ایلچیسی توغای تونچ ار, خزانه و مالیه وزیری اورینباسری زکریا قایه, تشقی ایش لر وزیرلیگی اورته شرق و شمالی افریقا بولیمی عمومی رئیسی جان دیزدار هم اورین آلدی.