امریکا مدافعه وزیرلیگی سوزچیسی: اوکراینلیک پیلوتلرگه بیریله دیگن تعلیم اوزاق مدتلیک بیر تعهددن عبارت

امریکا قوشمه ایالتلری مدافعه وزیرلیگی سوزچیسی جنرال پتریک ریدر اوکراینلیک پیلوتلرگه بیریله دیگن ف-16 حربی اوچاغی تعلیمی نینگ اوزاق مدتلیک بیر تعهددن عبارت ایکن لیگینی تیلگه آلدی.

ریدر کونده لیک مطبوعاتی کنفرانسیده اپریل آییده بولیب اوتگن اوکراین مدافعه گروهی جلسه سی نینگ آرتیدن کوپلب مدافعه وزیری نینگ امریکا قوشمه ایالتلری مدافعه وزیری لوید آوستین گه اوکراینلیک پیلوتلرگه ف-16 تعلیمی بیریلیشینی طلب قیلگن لیگینی معلوم قیلدی.

"او هم موضوع نی دقت گه آلدی و اوکراین نینگ اورته و اوزاق مدتلیک مدافعه احتیاجلری جهتیدن بو طلب نی قنداغ عملی قیله جگیمیز موضوعینی تیلگه آلیش اوچون ملی خوفسیزلیک کینگشی پولیتیکا جریانی گه کیریتدی" دیب گپیردی.

ملی خوفسیزلیک کینگشیده بو طلب گه رای بیرلیگی بیلن قرار بیریلگن لیگینی افاده ایتگن ریدر جی-7 جلسه سیدن آلدین آوستین نینگ بو موضوعنی امریکا قوشمه ایالتلری دولت باشلیغی جو بایدن گه ییتکیزگن لیگینی ایتدی.

ریدر تعلیم جریانی نینگ تفصیلاتی حقیده اورونیب تورگن لیکلرینی و بونینگ کیلگوسی هفته لرده ویا آیلرده باشلشی نینگ ممکن ایکن لیگینی بیلدیردی.

امریکالیک جنرال تعلیملرنینگ اداغگه ییتکیزیلیشی و اوچاقلرنینگ اوکراین گه ییتکیزیب بیریلیشی توغریسیده شولرنی ایتدی:

"اوکراین گه ف-16 تعلیمی و اوچاقلرنینگ ییتکیزیب بیریلیشی اوزاق مدتلیک بیر تعهددیر. کوتیلگن قرشی هجوملر بیلن تیگیشلی ایمس دیر" دیب ایتدی.