سویدن تشقی ایشلر وزیری تروریست ایزداشلری نینگ جیرکنچ حرکتلرینی قتّیق قاره له دی

سویدن تشقی ایشلر وزیری توبیاس بیلستروم بولووچی ترور تشکیلاتی پی کاکا/وای پی جی ایزداشلری نینگ پایتخت ستکهلم ده بلدیه بناسی نینگ قاشیده گی تحریکی حرکتینی "جیرکنچ" ایتیب بهالدیرر ایکن قتّیق قاره له دی.

بیلستروم تویتر آرقه لی نشر قیلگن پیامیده،

"خلق تامانیدن سیلنگن بیر دولت آدمینی بلدیه بناسی نینگ قاشیده آسیب تشلش کبی قیلیش جیرکنچلیک دیر"دیب ایتدی.

سویدن تشقی ایشلر وزیری سویدن حکومتی نینگ سیاسی موضوعلرده آچیق تارتیشوولرنی قوللب – قوتله گن لیگینی بیراق سیاسی .کیللرگه قره ته نفرت بیاناتلردن اوزاق تورگن لیگینی هم اوروغله دی.

پایتخت سکهلمده تاریخی بلدیه بناسی نینگ قاشیده ییغیلگن بولووچی ترور تشکیلاتی پی کاکا/وای پی جی ایزداشلری جمهور باشلیغی رجب طیب ایردوغانگه اوخشه تیب بیر قرچاق نی بنانینگ قاشیده ایاغیدن آسیب بو آن نینگ تصویرینی اجتماعی ترماق آرقه لی نشر قیلگندی.

ترور تشکیلاتی پی کاکا/وای پی جی بیلن تیگیشلی اجتماعی ترماقلر آرقه لی نشر قیلینگن خوددی شو ویدیو تصویر، تورکچه آست یازوو بیلن تورکیه و جمهور باشلیغی ایردوغان نی هدف آلووچی تهدیدلرنی اوز ایچی گه آلماقده.