مکرون: روسیه بیلن دیالوگ گه دوام ایتیش کیره ک

فرانسه جمهور باشلیغی ایمانوئیل مکرون روسیه بیلن دیالوگ نینگ دوام ایتیریلیشی کیره ک لیگینی معلوم قیلیب؛

"روسیه بیلن دیالوگ گه دوام ایتیب تورگن یگانه دنیا کوچی نینگ تورکیه بولیشینی کیم خواهله یدی؟" دیدی.

ایمانوئیل مکرون، ایلیزه سراییده فرانسیز بویوک ایلچیلر بیلن بولگن جلسه ده قیلگن صحبتیده 24 فبروریده اوکراین گه هجوم اویوشتیریشی نینگ آرتیدن تینچلیک اورنه تیلیشی اوچون روسیه بیلن دیالوگ نینگ کیره ک ایکن لیگی گه دقت تارتدی.

روسیه نینگ هجوملرگه باشلشیدن کیین بیر نیچه مرته روسیه دولت باشلیغی ویلادیمیر پوتین بیلن تیلفون آرقه لی سوزلشگن مکرون دیالوگ توغریسیده گی فکرلرینی بیان ایتدی.

مکرون "روسیه بیلن دیالوگ گه دوام ایتیب تورگن یگانه دنیا کوچی نینگ تورکیه بولیشینی کیم خواهله یدی؟" دیدی.

دنیا کوچلری نینگ مذاکره ایتیلگن بیر تینچلیک که تیارگرلیک کوریشی کیره ک لیگینی تیلگه آلگن مکرون بونینگ مناسب وقتی نینگ و شرطلری نینگ اوکراین گه باغلیق ایکن لیگینی اورغوله دی.

فرانسیز رهبر "اوزاق مدتلی بیر اوروش گه تیار بولیشیمیز کیره ک. بحران نینگ تیرمه لیب باریشیدن قول تارتیش کیره ک و تینچلیک نی آماده قیلیشیمیز کیره ک" دیب ایتدی.