بیرلشگن عرب امیرلیکلری دولت باشلیغی بیلن یونان باش وزیری انرژی موضوعی بوییچه اوزارا اوچره شدی

بیرلشگن عرب امیرلیکلری دولت باشلیغی شیخ محمد بن زاید آل نهیان بیلن یونان باش وزیری کیریاکوس میچوتاکیس نینگ انرژی ساحه سیده همکارلیک ظرفیتینی تیلگه آلگن لیکلری بیلدیریلدی.

یونان باش وزیرلیگیدن بیریلگن بیاناتگه کوره، ایککی ییتکچی پایتخت آتنده جایلشگن مکسیمو سراییده اوچره شیب اوزارا و هیئاتلر ارا اوچره شوولر اوتکزدی.

میچوتاکیس خوددی شو اوچره شووده سویوقلشتیریلگن طبیعی گاز (LGN) نینگ وارد ایتیلیشی، دیپولش و قیته دن گازگه ایلنتیریلیشی اوچون یونانده قوریلگن آست قوریش حقیده آل نهیان گه معلومات بیررکن، بو ظرفیتلرنینگ اولکه سینی اروپا بیلن اورته شرق آره سیده مهم بیر انرژی کوپریگی وضعیتی گه کیلتیریشی نینگ ممکن ایکن لیگی گه دقت تارتدی.

بیرلگن عرب امیرلیکلری نینگ هر ییل سپتامبر آییده اویوشتیریلگن عنعنوی سلانیک خلق ارا کورگزمه سی نینگ بو ییلگی فخری مهمانی ایکن لیگینی معلوم قیلگن میچوتاکیس بیرلشگن عرب امیرلیکلری نینگ اولکه سی اوچون مهم بیر ستراتیژیک اورتاق و کورفز منطقه سیده گی گلوبال اکتور ایکن لیگینی اورغوله دی.