بیرلشگن ملتلر تشکیلاتی: اوکراین ده ایکّی مینگ گه یقین تینچ اهالی حیاتی نی یوقاتدی

روسیه بیلن اوکراین اورته سیده گی اوروش نتیجه سیده اوکراین ده کمیده 1932 نفر تینچ اهالی نینگ حیاتی نی یوقاتگن لیگی و ایکّی مینگ 589 نفر تینچ اهالی نینگ ایسه یره لنگن لیگی بیلدیریلدی. 

اوروش نینگ باشله گن کوندن بیری 4 میلیون 656 مینگ 509 نفر اوکراین لیک نینگ ایسه قوشنی اولکه لر گه اوتگن لیگی معلوم قیلیندی.

بیرلشگن ملتلر تشکیلاتی قاچقین لر بوییچه کمیشنرلیگی تامانیدن بیریلگن بیاناتده, اوکراین لیک مهاجر لر حقیده معلومات بیریلدی. 

بیاناتده, 24- فبروری دن 12- اپریل گه قدر 4 میلیون 656 مینگ 509 نفر اوکراین لیک نینگ قوشنی اولکه لر گه اوتگن لیگی معلوم قیلیندی. 

خوددی شوو کیشی لرنینگ یریمی دن کوپراغی نینگ پولند گه کیتگن لیگی بیلدیریلدی. 

اوکراین لیک لرنینگ اینگ کوپ پولند (2 میلیون 669 مینگ 637), رومانیا (709 مینگ 249), هنگری (234 مینگ 342), روسیه (433 مینگ 83), مالدوا (415 مینگ 850) و سلواکیا (415 مینگ 850) و بلاروس (21 مینگ 292) گه کیتگن لیگی بیلدیریلگن بیاناتده, دونیتسک و لوهانسک منطقه لریدن هم فبروری آیی نینگ 21- و 23- کون لری آره سیده 113 مینگ کیشی نینگ روسیه گه اوتگن لیگی معلوم قیلیندی. 

اوکراین دن قوشنی اولکه لر گه اوتگن یوز مینگلب اوکراین لیک نینگ بو ییردن باشقه اوروپا اولکه لری گه اوتگن لیگی بیلینماقده. 

بیرلشگن ملت لر تشکیلاتی گه باغلیق کوچ تشکیلاتی هم اوکراین ایچیده 7,1 میلیون نفر تینچ اهالی نینگ مهاجر بولگن لیگی نی بیلدیرگن ایدی. 

بیرلشگن ملتلر تشکیلاتی انسان حق لری عالی کمیشنرلیگی تامانیدن بیریلگن بیاناتده, روسیه- اوکراین اوروشیده 24- فبروری دن 12- اپریل گه قدر کمیده 1932 نفر تینچ اهالی نینگ حیاتی نی یوقاتگن لیگی و 2 مینگ 589 کیشی نینگ ایسه یره لنگن لیگی معلوم قیلیندی. 

اولگن و یره لنگن کیشی لر سانی نینگ بوندن هم آرتیغراق بولیشی نینگ ممکن ایکن لیگی بیلدیریلدی.