بلینکن لاوروف بیلن اوچره شه دی؛ اوکراین مسئله سی توغریسیده سوز یوریتیله دی
اوشبو توغریده امریکا تشقی ایش لر وزیرلیگی سوزچیسی ند پرایس بیانات بیردی
امریکا قوشمه ایالتلری تشقی ایش لر وزیرلیگی سوزچیسی ند پرایس, تشقی ایش لر وزیری آنتونی بلینکن نینگ اوچره شوو طلبی گه روسیه لیک کسبداشی سرگی لاوروف نینگ مثبت جواب قیترگن لیگی نی بیلدیردی.
پرایس, بلینکن بیلن لاوروف نینگ کیلگوسی هفته ده اوروپا ده اوچره شه دیگن لیگی نی معلوم قیلدی.
پرایس تویتر آرقه لی بیرگن بیاناتیده, "تشقی ایش لر وزیری بلینکن بوگون بیرلشگن ملتلر تشکیلاتی خوفسیزلیک کینگشیده قیلگن معروضه سیده, بو بحران نینگ بیرته گینه ییچیم یولی نینگ دیپلماسی و مذاکره دن عبارت ایکن لیگی گه ایشانیاتگن لیگی نی معلوم قیلرایکن, کیلگوسی هفته ده تشقی ایش لر وزیری لاوروف بیلن اوروپا ده اوچره شیش نی طلب قیلگنی نی بیلدیردی.
روس لر, کیله جک هفته نینگ سونگگی گه قدر بوله دیگن شکلده اوشبو اوچره شوو طلبی گه مثبت جواب قیتردی. بیز هم روسیه نینگ اوکراین نی اشغال ایتمس لیک شرطی بیلن قبول قیلدیک. بیر نیچه کون مابینیده (اوکراین نی) اشغال ایتیش لری تقدیرده, دیپلماسی توغریسیده هیچ قچان جدی بولمه گن لیک لری نی کورسه تیب بیرگن بوله دی" دییه قید ایتدی.
سوزچی, امریکا قوشمه ایالتلری نینگ متفق و اورتاق لری بیلن همکارلیککه دوام ایته دیگن لیگی و ناتو- روسیه کینگشی, اوروپا خوفسیزلیک و همکارلیک تشکیلاتی کبی پلتفرم لر آرقه لی روسیه گه ینه ده کوپراق باسیم قیله دیگن لیک لری نی بیلدیردی.
علاقه لی ینگی لیکلر
جمهور رئیس ایردوغان امریکاگه تشریف بیوره دی
دولت رهبرلری نیویورک شهریده جایلشگن بیرلشگن ملتلر تشکیلاتی نینگ 79-جلسه سی گه اشتراک ایته‌دی
مکرون بیلن بلینکن اوزارا اوچره شوو اوتکزدی
مکرون، بلینکن نی پایتخت پاریس ده جایلشگن جمهور رئیسلیک دفتریده قبول قیلیب اوچره شدی
