بوریس جانسون ولادیمیر پوتین نی آگاهلنتیردی

انگلستان باش وزیری بوریس جانسون, روسیه جمهوررئیسی ولادیمیر پوتین نی اوکراین نینگ اشغالی بوییچه آگاهلنتیردی. 

انگلستان باش وزیرلیک دفتری, جانسون نینگ تلفن آرقه لی, پوتین بیلن سوزله شگن لیگی نی بیلدیردی.

صحبتده جانسون, روسیه نینگ اوکراین چیگره سیده گی "دشمنانه فعالیتی" بوییچه چقور قیغو بیلدیردی. 

برچه اوروپا دموکراسی لری نینگ ناتو اعضالیگی نی طلب ایتیش حقی گه ایگه ایکن لیگی نی بیلدیرگن جانسون, "بو حق بوتونله ی اوکراین اوچون هم اعتبار ایگه سی" دییه قید ایتدی. 

جانسون, ینه بیر بار ناتو نینگ مدافعه اتفاقی ایکن لیگی نی ایسله تیب اوتدی. 

روسیه جمهوررئیس لیک قصری (کرملین) هم اوشبو توغریده بیانات بیردی. 

بیاناتده, "اوکراین ده گی بحران و روسیه فدراسیونی نینگ خوفسیزلیگی بوییچه اوزاق مدتلی و حقوققه اویغون گرنتی لر نینگ تامین ایتیلیشی بوییچه, جزئیاتلی بیر شکلده فکر المه شیلدی" دییه قید ایتیلدی.