کلمبیا ایککی روس دیپلمات نینگ اوشبو اولکه نی ترک ایتیشی نی طلب ایتدی

کلمبیا, روسیه نینگ بوگوتا ایلچی لیگی ده ایشله یاتگن ایککی نفر دیپلمات نینگ اولکه ده "اویغون سیز فعالیت لر" قیلگن لیگی نی بیلدیریب, مذکور دیپلمات لرنینگ کلمبیا نی ترک ایتیشی نی طلب ایتدی. 

کلمبیا تشقی ایش لر وزیرلیگی تامانیدن اوشبو خصوصده بیانات بیریلدی. 

بیاناتده, "کلمبیا ده گی ایککی روس دیپلمات نینگ اولکه ده 'دیپلماتیک مناسبت لر حقیده ویانا کیلیشووی' حکم لری گه ضد فعالیت لر عملگه آشیرگن لیگی نینگ انیقله نیشی آرتیدن بونده ی بیر قرار قیلیندی" دییه قید ایتیلدی.

 سمانا انترنت سایتی نینگ بیرگن خبری گه کوره, روس دیپلمات لر, اولکه ده جاسوس لیک قیلیب کلمبیا نینگ انرژی زیربناسی, تکنالوژی ظرفیتی و اولکه نینگ عسکری استخباراتی بیلن علاقه لی معلومات کسب ایتیش بیلن عیبلندی. 

خبرده, روس دیپلمات لرنینگ کوچه لرده و مارکیت لرده گی عکس لری گه اورین اجره تیلدی.