ترامپ نینگ کویاوی مصر جمهوررئیسی بیلن اوچره شدی

مصر جمهوررئیسی عبدالفتاح السیسی, اورته شرققه قیلگن سفری دایره سیده مصر گه کیلگن امریکا قوشمه ایالت لری دولت رهبری دونالد ترامپ نینگ کویاوی و باش مشاوری جرد کوشنر بیلن اوچره شدی. 

مصر جمهوررئیسلیگی تامانیدن بیریلگن بیانات ده, اوشبو اوچره شوو جریانیده امریکا هیئتی نینگ فلسطین بیلن اسرائیل اورته سیده گی مذاکره لرنینگ قیته باشدن باشله تیلیشی بوییچه سعی و حرکت لر توغریسیده معلومات بیرگن لیگی بیلدیریلدی. 

اوچره شوو جریانیده, مصر نینگ فلسطین مسئله سی بوییچه عادلانه و کینگ کولملی بیر ییچیم یولی نینگ تاپیلیشی اوچون قیلینیاتگن سعی و حرکت لر و اسرائیل بیلن فلسطین اورته سیده گی مذاکره لرنینگ پایتختی شرقی بیت المقدس دن عبارت بولگن بیر فلسطین دولتی نینگ قوریلیشی بیلن قیته باشدن باشله تیلیشی گه طرفدار ایکن لیگی نینگ بیلدیریلگن لیگی معلوم قیلیندی. 

کوشنر اورته شرققه قیلگن سفری دایره سیده اردن قرالی عبدالله بیلن اوچره شیشی آرتیدن اسرائیل گه باررایکن, توناوکون ایسه مصر گه بارگن ایدی.