چین ده کوپلب کیشی هلاک بولدی

چین نینگ جنوبغربیده یوز بیرگن توپراق سیلجیشی عاقبتیده جان بیرگن کیشی لر سانی 16 نفر گه کوتریلیب کیتدی. 

چین مرکزی تلویزیونی CCTV بیرگن خبریده, اولکه نینگ گوئیژو ایالتی گه باغلیق گویانگ شهریده گی لیوپانشو قصبه سیده سه شنبه کونی یوز بیرگن توپراق سیلجیشی عاقبتیده جان بیرگن کیشی لر نینگ سانی نینگ 11 دن 15 گه کوتریلیب کیتگن لیگی نی بیلدیردی. 

قصبه ده 21 اوی توپراق نینگ تگیده قالیب کیترایکن, قوتقریلگن 11 کیشی ایسه کسلخانه گه انتقال ایتتیریلدی. 

حاضرچه 30 کیشی نینگ توپراق نینگ تگیده ایکن لیگی بیلدیریلماقده.  800 کیشی لیک بیر تیم توپراق نینگ تگیده قالیب کیتگن لیک لری  اویلنگن اوشبو کیشی لرنی قوتقریش گه حرکت قیلماقده. 

عینی دمده گوئیژو ایالتی گه باغلیق هیجانگ منطقه سیده گی بیر قشلاق ده هم یول قوریش ایش لری جریانیده توپراق سیلجیشی حادثه سی یوز بیردی.  خوددی شوو حادثه عاقبتیده بیر کیشی هلاک بولدی.  توپراق نینگ تگیده قالگن 6 کیشی نینگ قوتقریلیشی اوچون فعالیت لر ایسه دوام ایتماقده. 

یامغیر نینگ انچه کوپ یاغگن لیگی سببلی توپراق سیلجیشی حادثه لری نینگ یوز بیرگن لیگی بیلدیریلماقده.