اروپا پارلمانی انترنیت ترماقلری بیلن تیگیشلی ینگی لایحه نی قبول قیلیب تصدیقله دی

اروپا پارلمانی گوگل، فیسبوک و تویتر کبی انترنیت ترماقلریده نشر بولگن ترورچیلیک بیلن تیگیشلی پیاملرنینگ 1 ساعت جریانیده اوچیریلیشینی اوز ایچی گه آلگن قانون لایحه سینی قبول قیلیب تصدیقله دی.

فرانسه نینگ سترازبورگ شهریده اروپا پارلمانی نینگ ییغینی بولیب اوتدی. تورلی انترنیت ترماقلریده نشر بولگن ترورچیلیک بیلن تیگیشلی پیاملرنینگ تیزلیکده اوچیریلیشینی اوز ایچی گه آلگن قانون لایحه سی 204 رد رای و 308 قبول رای بیلن قبول بولیب تصدیقلندی.

اوشبو لایحه گه کوره، انترنیت ترماقلری، اروپا بیرلیگی مملکتلرنینگ مقاملری تامانیدن مراجعه بولگنده ترورچیلیک بیلن تیگیشلی نشر بولگنلرنی 1 ساعت جریانیده اوچیریشی مجبوری بوله دی.

ترورچیلیک بیلن تیگیشلی نشراتلر کوتریلیب تشلنمه گن تقدیرده مذکور انترنیت ترماق گلوبال مقیاسده قولگه کیریتگن پول نینگ 4 فایزینی جزا اوله راق توولش گه محکوم ایتیله دی.  

اوشبو لایحه نینگ عملی بولیب باشله یشی اوچون اروپا شوراسی نینگ قبول قیلیب تصدیقلشی شرط.