لیبیاده قیرق ییتتی کیشی جان بیردی

جهان ساغلیق نی سقلش تشکیلاتی نینگ سوزچیسی طارق یسرویچ بیرگن بیاناتلریده, لیبیاده سونگگی اوچ کونده 47 کیشی نینگ جان بیرگن لیگی و 181 نفر نینگ ایسه یره لنگن لیگی نی معلوم قیلدی.

سوزچی, جان بیرگن کیشی لرنینگ ایککی نفری نینگ ایسه زخمی لرنی تداوی قیلیاتگن داکتر لردن عبارت ایکن لیگی نی بیلدیردی. 

ساغلیق پرسونلی بیلن عادی اهالی گه قره ته هجوم اویوشتیریش نینگ انسان حق لری حقوقی نینگ اخلالی دن عبارت ایکن لیگی نی بیلدیرگن سوزچی, منطقه ده گی ساغلیق بیلن علاقه لی موسسه لرنینگ هجوم لر آلدی دن اوز تدبیر لری نی آلگن لیگی نی معلوم قیلدی. 

بیرلشگن ملت لر تشکیلاتی مهاجر لر بولیمی ایسه, حاضرگی کونده لیبیاده رسمی نظارت مرکز لریده 5 مینگ 7 یوز مهاجر نینگ موجود ایکن لیگی نی معلوم قیلرایکن, رسمی بولمه گن نظارت مرکز لریده ایسه اوشبو رقم دن هم آرتیق مهاجر نینگ بار بولیشی نینگ ممکن ایکن لیگی نی بیلدیردی.

لیبیا نینگ شرقیده گی حربی کوچ لرنینگ باشلیغی جنرال خلیفه حفتر نینگ 4 اپریل کونیده طرابلس نی قولگه کیریتیش اوچون هجوم اویوشتیره باشله شی آرتیدن ملی کیلیشوو حکومتی کینگشی باشلیغی فیض السراج و حفتر کوچلری اورته سیده اوروش باشلب کیتدی. 

اوشبو اوروش حاضر هم دوام ایتماقده.