تاریخده بوگون قنده ی ینگی لیک لر یوز بیرگن؟

1788- ییلی 9- فبروری کونی, اطریش, عثمانلی دولتی بیلن روسیه اورته سیده گی اوروش گه قوشیلدی.  شونده ی قیلیب اطریش 1787-1792 – ییل لریده عثمانلی دولتی بیلن روسیه اورته سیده گی اوروش جریانیده روسیه نی قوللب- قُوَتلرایکن, عثمانلی دولتی نینگ مغلوب بولیشی گه سبب بولدی.

1934 – ییلی 9 – فبروری کونی, تورکیه, یونان, یوگسلاویا و رومانیا آره سیده گی بالکان کیلیشووی آتن ده امضالندی. اوشبو کیلیشوو گه کوره بالکان اولکه لری نینگ بیر بیر لری گه حرمت کورسه تیشی کیره ک.  شونده ی قیلیب بالکان اولکه لری چیگره لری نینگ امنیتی تامین قیلینگن بولدی. 

1956 – ییلی 9 – فبروری کونی, ویتنام اوروشی دایره سیده ایلک مراتبه امریکا قوشمه ایالتلری عسکر لری جنوبی ویتنام گه جونه تیلدی.  ویتنام اوروشی, شرق بلاکی اولکه لردن عبارت شمالی ویتنام, چین, و سویت اتقاقی بیلن امریکا قوشمه ایالتلری تامانیدن قوللب- قُوَتلنگن کمونیزم گه مخالف جنوبی ویتنام و امریکا قوشمه ایالتلری اورته سیده گی بیر اوروش دن عبارت ایدی. 

1968- ییلی 9- فبروری کونی, تورکیه ده بیرینچی عیال ترافیک پولیسی وظیفه گه باشله دی. استانبول شهری نینگ امین اونو میدانیده ترافیک نی تنظیم قیلگن فکریه یاووز, تورکیه نینگ بیرینچی ترافیک پولیسی عنوانی گه ایگه.

1986- ییلی 9- فبروری کونی, قویریقلی هالی یولدوزی (ستاره دنباله دار) قویاش گه اینگ یقین جایده اورین آلدی.  20- عصرده ایککینچی مراتبه بونده ی بیر حادثه بولدی.  هر 75-76 ییلده بیر مراتبه کورینه دیگن قویریقلی یولدوز, مداری نی انسان عمری دوامیده تکمیل قیلگن کوز بیلن کوریلیشی ممکن بولگن بیر قویریقلی یولدوز دن عبارت.  قیلینگن تحقیقات لر گه کوره اوشبو یولدوز نینگ 2061 – ییلیده کورینه دیگن لیگی بیلدیریلماقده.