ترورچیلر فرانسه ده مظاهره قیلیب غوغا برپا ایتدیلر

فرانسه نینگ سترازبورگ شهریده مظاهره قیلگن بولووچی ترور تشکیلاتی پی کاکانینگ هوادارلری، اروپا کینگشی و اروپا انسان حقلری محکمه سی (AHIM) بنالریگه هجوم اویوشتیردی.

مذکور بنالرگه زوروانلیک بیلن کیرماقچی بولگن ترورچیلر هوادارلریگه قرشی پولیس نینگ دستک و اچیق گاز آرقه لی مداخله قیلگن لیگی کوریلماقده.

حادثه ده 7 کیشی ژاندارم منسوبی یره لنگن و 14 کیشی مظاهره چی اوشلب آلیندی.

اوشبو تروریستلر باشقرووچیلری عبدالله اوج آلن نینگ محکومیت شرطلریگه ناراضی لیک بیلدیریب اروپا کینگشی قاشیده مظاهره اویوشتیردیلر و اطرافگه هجوم اویوشتیردیلر.

خوفسیزلیک کوچلری، اروپا کینگشی و اروپا انسان حقلری محکمه سی جایلشگن جادده نی یاپیب قویدی و مظاهره چیلر خوددی شو پولیس لرگه تاش اتیب هجوم اویوشتیرگنلر.

فرانسه قاله ویرسه آلمان، سویس و ایریم مملکتلردن سترازبورگ گه بارگن ترورچی هوادارلری مذکور اداره لرنینگ بنالریگه هجوم اویوشتیریب زیان ییتکیزگن لیکلری بیلدیریلدی.

سترازبورگ امنیه قومندان لیگی مظاهره چیلر تامانیدن آتیلگن تاش و ایریم جسم لر باعث 7 کیشی ژاندارم اعضاسی نینگ یره لنگن لیگینی معلوم قیلدی.

شهرگه کتته غوغا چیقر ایکن، اروپا جاده سی قریب 1 ساعت یاپیق قالگن و میترو و اتوبس سفرلری کنسل بولگن.