مادورو: امریکا ونزوئلا بیلن کُلَمبیا نی اوروشتیرماقچی

 ونزوئلا دولت رهبری نیکولاس مادورو امریکا قوشمه ایالتلری نینگ ونزوئلا بیلن کلمبیا نی اوروشتیرماقچی بولیاتگن لیگی نی معلوم قیلدی.

کلمبیا نینگ نشراتی اورگان لریدن بیری بولگن آر سی ان تامانیدن بیریلگن خبر گه کوره, اولکه سیده گی قوماندان لر بیلن ییغیلیش اوتکزگن مادورو, "اوشبو مطلب نی نیچه مراتبه اَیتدیم. ینه بیر مرته ایسله تیب اوته من.  امریکا قوشمه ایالت لری ونزوئلا بیلن کلمبیا نی اوروشتیریش اوچون بیر پلان تیارله ماقده" دییه قید ایتگن. 

چیگره دن ایریم قوراللی کیشی لرنینگ ایچکری کیرگن لیک لری نی بیلدیرگن مادورو اردو نینگ احضاراتده بولیشی کیره ک ایکن لیگی نی بیلدیردی. 

ونزوئلا بیلن کلمبیا اورته سیده 2 مینگ 2 یوز کیلومتر لیک بیر چیگره موجود. 

سونگگی ایککی ییلده ونزوئلا عسکر لری نینگ چیگره اخلال لری سببلی ایککی اولکه اورته سیده بیر نیچه مراتبه جنجال پیدا بولدی.

بیراق اوشبو جنجال لرنینگ همه سی دیپلماتیک یول لر بیلن ییچیلیدی. 

عینی دمده مارچ آییده ونزوئلا نینگ تاچیرا ولایتیده کلمبیا لیک قوراللی گروه لرگه قوشیلگن لیک لری بیلدیریلگن 7 کیشی اردو تامانیدن اویوشتیریلگن بیر عملیات بیلن اولدیریلگن ایدی.