دنیا مقیاسیده قنچه افغانستانلیک مهاجر بولیشی ممکن؟

افغانستان مهاجرلر وزیری سید حسین عالمی بلخی، دنیا مقیاسیده 6 میلیون افغانستان تبعه سی قاچقین نینگ موجود ایکن لیگینی معلوم قیلدی.

بلخی، پایتخت کابلده "دنیا مهاجرلر کونی" مناسبتی بیلن آلیب باریلگن مراسمده صحبت عملگه آشیردی.

"سونگی 17 ییل جریانیده 8 ملیون افغانستانلیک قاچقین اوز مملکتی گه قیتیب کیلگن" دیدی.

اینگ کوپ مهاجر بارگن اولکه لرنینگ ایران و پاکستان ایکن لیگینی معلوم قیلیب، ایرانده 2 میلیون 450 مینگ، پاکستانده هم 2،5 میلیون اطرافیده ایکن لیگینی بیلدیردی. بلخی بولردن 1،4 میلیونی نینگ أقامه قولگه کیریتگن لیگینی معلوم قیلدی.

بلخی جنابلری، ایریم آسیا اولکه لریده 351 مینگ أفغانستان لیک مهاجرنینگ باریب اقامت قیلیب تورگن لیگینی اورغوله دی.

حاضرگچه 541 مینگ کیشی نینگ امریکا قوشمه ایالتلری، آوسترالیا و اروپا بیرلیگی اولکه لری نینگ تابعیتینی قولگه کیریتگن لیگینی تیلگه آلدی. مهاجرلر وزیرلیگی نینگ قاچقینلرنینگ مسئله لریگه ییچیم تاپیش اوچون قولیدن کیلگننی قیلیب تورگنینی ایتدی.

بلخی؛

"حاضرچه دنیا مقیاسیده 6 میلیون افغانستانلیک مهاجر موجود" دیب ایتدی.

بیریلشگن ملتلر تشکیلاتی نینگ راپوریگه کوره، دنیا مقیاسیده مهاجرلرنینگ 15 فایزینی افغانستانلیک قاچقینلر تشکیل ایتماقده.