امریکا، روسیه گه قره ته ینگی چیکلاولر عملی قیله دی

امریکا قوشمه‌ ایالتلری نینگ بیرلشگن ملتلر تشکیلاتیده‌گی دایمي نماینده سی نیکی  هیلی نینگ قید ایتیشیچه سوريه‌ده حکومت کوچلری نینگ کیمیاوي قورالگه ایگه‌ بولیشی و کیمیاوي قورال ایشلب چیقریشیگه یاردم بیرگن روس شرکت‌لریگه ینگی چیکلاولر کیریتیله‌دی.

نیککی  هیلی امریکا نینگ « CBS» تلویزیون کانا‌لیده کون ترتیبی حقیده‌گی سواللرگه جواب بیردی.

شو دایره‌ده روسیه بیلن بولگن مناسبتلریگه هم توخته‌لگن  هیلی، سوريه‌ده حکومت کوچلری نینگ کیمیاوي قورالگه ایگه‌ بولیشی و کیمیاوي قورال ایشلب چیقریشیگه یاردم بیرگن روس شرکت‌لریگه ینگی چیکلاولر کیریتیله‌جگینی معلوم قیلدی.

 هیلی، «روسیه‌گه ینگی چیکلاولر کیریتیله‌دی. مالیه‌ وزیری منوچین هفته‌ نینگ دوشنبه‌ کونی بو حقده معلومات بیره‌دی. چیکلاولر توغریدن-توغری بشار الاسد و کیمیاوي قورالدن فایده‌لنیش مسأله‌لری بیلن علاقه‌سی بولگن شرکت‌لر اوچون یولگه قوییله‌دی» دیدی. 

 هیلی Fox News Sunday دستوریده ایسه روسیه‌ نینگ وینیزویلا‌ده م‌دورا حکومتیگه، سوريه‌ده بشار الاسد حکومتیگه یاردم بیریش آرقه‌لی ایران بیلن همکارلیک قیلیب «ناتوغری اکتورلر بیلن» ایش آلیب بارگنلیگینی؛ شو نینگ اوچون هم روسیه‌ نینگ بیرانته هم یخشی دوستی قالمه‌گنلیگینی، قالگنلری نینگ هم روسیه‌گه ضرر بیرگنلیگینی ادعا قیلدی.