روسیه امریکا نینگ سوریه عملیاتی گه قتتیق عکس العمل کورستدی

روسیه امریکا قوشمه ایالتلری، فرانسه و انگلستان نینگ سوریه ده گی مشترک هوائی عملیاتی گه قرشی قتتیق عکس العمل کورستدی. 

تشقی ایشلر وزیرلیگی سوزلاوچیسی ماریا زاهارووه اجتماعی ترماق لر آرقه لی اوشبو عملیات خصوصیده بیانات بیردی. 

زاهارووه، "آلدین سوریه خلقی اوچون عرب بهاری، کیین داعش ایندی ایسه امریکا نینگ راکتلریدن فایده له نیلماقده. اوزاق ییللر دوامیده ترورچیلر نینگ هجوم لریدن اوزی نی قوتقریش گه حرکت ایتیب کیلگن مستقل بیر دولت نینگ پایتختی گه ضربه اوریلماقده" دییه قید ایتدی. 

زاهارووه، سوریه نینگ تینچ بیر کیله جککه ایگه بولگن پیتده بونده ی هجوم گه دوچ کیلیب قالگن لیگینی معلوم قیلدی. 

روسیه پارلمانی بولیمیدن عبارت دوما نینگ مدافعه کمیته سی باشلیغی الکساندر شیرین، امریکا نینگ اوشبو عملیاتی نینگ خلق ارا حقوققه اویغون ایمس لیگینی معلوم قیلرایکن، روسیه نینگ اوشبو وضعیت نی بیر هجوم اوله راق بهالنتیریاتگن لیگی نی بیلدیردی. 

شیرین، امریکا قوشمه ایالتلری دولت رهبری دونالد ترامپ نی ادولف هیتلر گه اوخشه ترایکن، امریکا نینگ سوریه عملیاتی نینگ مستقل بیر دولت گه قرشی اوروش اعلانیدن عبارت بولگن لیگینی معلوم قیلدی.  

روسیه نینگ واشنگتن ایلچی سی آناتولی آنتونوف هم، اوشبو عملیات نینگ بیر نتیجه سی بوله دیگن لیگی نی بیلدیررایکن، خوددی منه شوو خصوصده مسئولیت نینگ امریکا، فرانسه و انگلستان نینگ بوینی گه ایکن لیگینی بیلدیردی. 

عینی دمده آنتونوف، روسیه دولت رهبری ولادیمیر پوتین گه حقارت قیلینیشی گه تحمل قیلیشلری نینگ ممکن ایمس لیگینی ایسله تیب اوتدی.