روسیه انگلستان نی آگاهلنتیردی

روسیه نینگ بیرلشگن ملت لر تشکیلاتی دایمی نماینده سی نَبینزیا, انگلستان بیلن بولگن جاسوس بحرانی بیلن علاقه لی ایریم بیانات لر بیردی. 

نبینزیا, لندن نینگ روسیه نینگ باشقه اولکه لر بیلن بولگن مناسبت لری گه ضرر بیرگن لیگی نی بیلدیررایکن, "جوده یامان ایش قیلیپسیز. کیین پشیمان بوله سیز" شکلده گی سوز لری بیلن انگلستاننی آگاهلنتیردی.

روسیه نینگ طلبی گه بناً بیرلشگن ملت لر تشکیلاتی خوفسیزلیک کینگشی انگلستان نینگ سالیسبری شهریده گی سابق روس جاسوسی سرگی سکریپل بیلن قیزی یولیا نینگ زهرله نیشی بیلن علاقه لی عیبلاو لر توغریسیده بیر ییغیلیش اوتکزدی.

اوشبو ییغیلیشده روسیه و انگلستان نینگ بیرلشگن ملت لر تشکیلاتی خوفسیزلیک کینگشی دایمی نماینده لری بیر بیر لرینی عیبله دی. 

روسیه نینگ دایمی نماینده سی نبینزیا, اوشبو روس جاسوس لرنینگ زهرلنگن لیک لری نی رد ایترایکن, "لندن رهبریتی باشقه اولکه لر بیلن بولگن مناسبت لری میز گه ضرر بیره باشله دی" دییه قید ایتدی.

انگلستان نی روسیه گه قرشی پروپاگند قیلیش بیلن عیبله گن نبینزیا, اوز سوز لرینی, "باشقه بیر جعلی حکایه تاپشینگیز ممکن ایمس می ایدی؟" شکلیده دوام ایتتیردی.  

نبینزیا, "جوده یامان ایش قیلیپسیز. کیین پشیمان بوله سیز" شکلیده گی سوز لری بیلن انگلستان نی آگاهلنتیردی. 

انگلستان نینگ دایمی نماینده سی کارین پیرس ایسه, روسیه نی دولت نینگ حمایه سی آستیده ترورچیلیک هجومی اویوشتیریش بیلن عیبله دی.

مارچ آیی نینگ 4 نچی کونیده اوشبو جاسوس لرنینگ زهر له نیشی آرتیدن انگلستان روسیه نی عیبلب باشله دی. 

انگلستان 23 روس دیپلمات نی, روسیه هم انگلستان گه جواب صفتیده 23 انگلیس دیپلمات نی هیده ب یوباردی. 

انگلستان نینگ تشبث لری بیلن ایریم غربی اولکه لر هم روس دیپلمات لر نی هیده ب یوباریش گه قرار قیلدی. 

عینی دمده روسیه امکان لری دایره سیده اوشبو اولکه لرنینگ دیپلمات لری نی هیده ب یوباریش گه قرار قیلگن ایدی.