امریکا قوشمه ایالتلری دولت رهبری دونالد ترامپ نینگ محکمه بولیشی ممکن

امریکا قوشمه ایالتلری دولت باشلیغی دونالد ترامپ نینگ اساسی قانون نی نقض قیلگن لیگی باعث محکمه بولیشی گه زمینه یراتیلدی.

دولت رهبرینی محکمه قیلینیشی گه رخصت بیرگن مریلند ایایلتی قاضیسی پیتر مسیته، قاره لاوچیلرنینگ فقط پایتخت واشنگتن ده گی ترامپ خلق ارا هوتل گه دقت ایتیشلری کیره ک دیب ایتدی.

مذکور قاضی، ترامپ نینگ فلوریداده گی جایینی و ایریم دارایی لرینی ایسه دعوادن تشقری توتیب قویدی.

قاضی بیرگن قراریده، "ترامپ نینگ ایریم اولکه لردن تحفه آلیب اوزیگه عاید قولگه کیریتگن لیگی"  گه تماس ایتمه گن. بیراق ترامپ خلق ارا هوتل بیلن علاقه لی ادعالرنینگ مذکور دعواگه داخل قیلینیشینی بیلدیردی.

پیتر مسیته، امریکا قوشمه ایالتلریگه بارگن چیت ایل لیک هیئت و نماینده لرنینگ ترامپ گه مثبت معناده پیام بیریش اوچون ترامپ خلق ارا هوتل ده اقامت ایتگن لیکلرینی بو حادثه نینگ ایریم هوتللرگه قره ته عدالت سیزلیک بولگنینی ایسلتیب اوتدی.

ترامپ نینگ امریکا قوشمه ایالتلری باشلیغی بولیشی و چیت ایللیک هیئتلرنینگ هوتل نی بیر "رابطه تامین ایتیش" واسطه سی اوله راق کورگن لیگی باعث قولگه کیریتیلگن فایده هم مذکور دعواگه کیریتیله دی.

مریلند و واشنگتن قاره لاوچیلری جون آییده آلیب بارگن دعوا مراجعه لریده، ترامپ خلق ارا هوتلی نینگ منطقه ده گی ایریم هوتللرنی حقسیز رقابت باعث قیین چیلیک که دوچ کیلتیرگن لیگی، خوددی شو هوتل نینگ مخصوص مالیه تخفیفی آلگن لیگی و در مجموع دونالد ترامپ نینگ خارجیلردن عاید قولگه کیریتگن لیگی ادعا ایتیلگن ایدی.

دسمبر آییده نیورکده شونگه اوخشش دعوا آچیلماقچی بولگن بیراق قضا (محکمه) تامانیدن رد ایتیلگن ایدی.  

امریکا قوشمه ایالتلری قانونیده، دولت رهبرلری نینگ وظیفه ده بولگن مدت جریانیده چیت ایللیکلردن تحفه، فایده،مقام ویا عنوان کبی نرسه لرنی هیچ بیر شکلده قبول قیلیب آلالمه یدی دیگن معناده بیر لایحه (Emoluments Clause) موجود.

امریکا قوشمه ایالتلریده بیر قطار مدافعه وکیلی، ترامپ دولت رهبری بولگندن بیری انچه سرمایه گذارلیک آرقه لی خارجیلردن عاید قولگه کیریتگن لیگی خوددی شو حادثه نینگ اساسی قانوننی نقض قیلگن معناسیگه کیلگن لیگینی ادعا ایتماقده لر.

دعوا آچیلگنده، نتیجه نینگ ترامپ نینگ وظیفه دن چیتلنتیره دیگن وضعیت گه کیلیب – چیقیشی ادعا ایتیلماقده.