نایجریاده بیر بازار جای گه قوراللی هجوم اویوشتیریلدی

نایجریانینگ کادونا ایالتیده بیر بازار جایده اویوشتیریلگن قوراللی هجوم عاقبتیده 12 کیشی حیاتینی یوقاتدی.

ملی مطبوعاتده گی خبرلرگه کوره کاجورو منطقه باشلیغی کافرا کائینو قوراللی جنگریلرنینگ مارو بازار جایی گه قوراللی هجوم اویوشتیرگنینی ایتدی.

کائینو اوشبو قوراللی هجوم عاقبتیده 12 کیشی نینگ حیاتینی یوقاتگن لیگینی 20 کیشی نینگ یره لنگن لیگینی بیلدیردی.

یره لنگنلرنینگ کسلخانه گه ییتکیزیلگن لیگینی معلوم قیلگن کائینو حادثه گه تیگیشلی تیرگاو باشله تیلگن لیگینی افاده ایتدی.

سونگگی پیتلرده نایجریا اولکه سی نینگ تورلی منطقه لریده قوراللی جنگریلر قاله ویرسه ترور تشکیلاتلری بوکوحرام بیلن داعش نینگ غربی افریقا ترماغی ISWAP تامانیدن هجوملر اویوشتیریلماقده.

کادونا ایالتیده جنوری آییدن بیری اویوشتیریلگن هجوملر عاقبتیده اونلب کیشی حیاتینی یوقاتر ایکن 300 دن آرتیق کیشی آلیب قاچیریلدی.