روسیه دولت رئیسی پوتین نینگ آبخازیاگه سفر اویوشتیریشی تنقید ایتیلماقده
کرجستان بیلن اوکراین دولت رئیس لری عکس العمل کورستدی
روسیه دولت رئیسی ولادیمیر پوتین گرجستاندن بیر تامانلمه مستقل لیگینی اعلان قیلگن آبخازیاگه تشریف بویوردی.
پوتین آبخازیا و روسیه اورته سیده اوزیگه خاص یقینلیک موجودلیگینی ایلگری سوریب، خوفسیزلیک و توریزم کبی ساحه لرده همکارلیکنی ینه ده رواجلنتیریش نیتینی تیلگه آلدی.
او آبخازیاگه حربي یاردم کورسه تیشگه تیار ایکنینی و بونگه کفالت بیریشینی ایتدی.
پوتین نینگ آبخازیاگه تشریفی امریکا قوشمه ایالتلری دولت رئیسی نینگ اورین باسری مایک پنس نینگ گرجستان گه تشریفیدن بیر هفته اوتگچ عملگه آشیریلدی.
اوکراین دولت رئیسی پترو پوروشنکو بیلن گرجستان دولت رئیسی گیارگی مرگویلشویلی، پوتین نینگ خلق ارا جمعیت تامانیدن مستقللیگی تن آلینمه گن آبخازیاگه تشریفینی قاره له دی.
پوروشنکو مرگویلشویلی بیلن بولگن ملاقاتیده، روسیه نینگ گرجستان گه قرشی هجوم قیلگنی گه 9 ییل تولگنینی ایسله تیب، گرجستان و گورجی خلقینی قوللب قوّتلشینی ایتدی.
پوروشنکو ایتگنیدیک، اوکراین گرجستان نینگ توپراق بیرلیگینی ابدي قوللب قوّتله یدی.
گرجستان دولت رئیسی گیارگی مرگویلشویلی هم اوکراین دولت رئیسی پترو پوروشنکو گه صمیمي قوللب قوّتلاوی اوچون منّتدارچیلیک بیلدیرر ایکن، اوکراین نینگ دوستانه مناسبتینی چوقور حس قیلیب تورگنینی ایتدی.
ایسلتمه: آبخازیا و جنوبي اوسیتيا 2008 ییلی گرجستان دن بیر تامانلمه مستقل لیگینی اعلان قیلگن ایدی.
بو جریانده گرجستان حکومتی حدودگه عسکر جونه تیشیگه قره مه ی، روسیه هجومگه اوتگن و گرجستان قوشینینی حدوددن چیقرگن ایدی.
علاقه لی ینگی لیکلر
جمهور رئیس ایردوغان امریکاگه تشریف بیوره دی
دولت رهبرلری نیویورک شهریده جایلشگن بیرلشگن ملتلر تشکیلاتی نینگ 79-جلسه سی گه اشتراک ایته‌دی
مکرون بیلن بلینکن اوزارا اوچره شوو اوتکزدی
مکرون، بلینکن نی پایتخت پاریس ده جایلشگن جمهور رئیسلیک دفتریده قبول قیلیب اوچره شدی
