ترامپ پوتین نی مقته دی

ترامپ پوتین نی مقته دی. 

امریکا قوشمه ایالت لری دولت رهبری ایتیب سیلنگن دونالد ترامپ, روسیه دولت رهبری ولادیمیر پوتین نینگ هیچ بیر امریکالیک دیپلمات نی روسیه دن هیده ب یوبارمس لیک گه قرار بیرگن لیگی نی مقته دی. 

ترامپ, تویتر آرقه لی بیرگن بیانات لریده, پوتین حقیده, "اونینگ کوپ هوشیار بیر کیشی بولگن لیگی نی بیلر ایدیم" دییه قید ایتدی. 

امریکا, روسیه نینگ دولت رهبرلیگی سیلاو لری پروسه سی گه سایبر هجوم بیلن اره لشگن لیگی ادعا سی بیلن 35 نفر روس دیپلمات نینگ 72 ساعت لیک بیر مدت مابینیده امریکا نی ترک ایتیشی نی طلب ایتگن ایدی. 

واشنگتن نینگ اوشبو حرکتی گه قرشی روسیه تشقی ایش لر وزیرلیگی هم دولت رهبری ولادیمیر پوتین دن امریکا لیک دیپلمات لرنینگ روسیه دن هیده لیشی نی طلب قیلگن ایدی. 

پوتین ایسه, بیرگن تحریری بیاناتیده, "عکس العمل کورسه تیش نی کیین گه قویه میز.  روسیه بیلن امریکا آره سیده گی علاقه لر نینگ قنده ی بوله دیگن لیگی نی انیق لش اوچون دونالد ترامپ نینگ دولت رهبرلیگی دوری نینگ باشله شی نی کوتیب توره میز" دییه قید ایتگن ایدی.