آنگلا مرکل: ترکیه کودتاچی لر گه قرشی توغری بیر شکلده حرکت ایتدی

آلمان باش وزیری آنگلا مرکل, کودتا تشبثی گه دوچ کیلیب قالگن بیر اولکه نینگ, کودتاچی لر گه قرشی, حقوق دولتی نینگ برچه امکانیت لری دن فایده له نیب کوره ش آلیب باریشی نینگ اینگ توغری یولدن عبارت ایکن لیگی نی بیلدیردی. 

مرکل, ترتیب له گن مطبوعاتی کنفرانسی جریانیده, ترکیه ده گی ینگی لیک لر نی جوده یقیندن تعقیب ایتیتگن لیک لری نی معلوم قیلدی. 

مرکل, اینگ کیچ, سپتامبر آییده چین ده بولیب اوته دیگن جی ۲۰ رهبر لر ییغیلیشی جریانیده ترکیه جمهوریتی جمهوررئیسی رجب طیب اردوغان بیلن اوچره شه دیگن لیگی نی ایسله تیب اوتدی. 

عینی دمده مرکل, "تروریزم گه قرشی کوره ش بوییچه ترکیه مهم بیر اولکه دن عبارت. مهاجر لر گه جای بیریلیشی خصوصیده ترکیه الگو بوله دیگن ایش لر قیلدی. ترکیه ده ۳ میلیون مهاجر یشه ماقده" دییه قید ایتدی. 

اوروپا بیرلیگی نینگ مادی جهت دن ترکیه نی حمایه ایتیشی کیره ک ایکن لیگی نی بیلدیرگن مرکل, ترکیه بیلن اوشبو بیرلیک آره سیده بولگن کیلیشو بیلن مهاجر لرنینگ قانونی بولمه گن یوللر آرقه لی کیلیش لری نینگ توسیق لنگن لیگی نی معلوم قیلرایکن, ترکیه نینگ خودی منه شوو خصوصده یخشی بیر همکار دن عبارت ایکن لیگی گه دقت قره تدی. 

جمهوررئیسی اردوغان بیلن ترور تشکیلاتی پی کا کا گه قرشی کوره ش بوییچه بیر نیچه مراتبه صحبت ایتگن لیک لری نی بیلدیرگن مرکل, "پی کا کا نینگ بیز ده ترور تشکیلاتی اوله راق قبول قیلینگن لیگی نی بیلدیردیم. برچه ینگی لیک لر نی تعقیب ایتماقده میز" دییه قید ایتدی.