فرانسه ده تروریستیک حادثه سی یوز بیردی

فرانسه ده تروریستیک حادثه سی یوز بیردی

فرانسه نینگ نایس شهریده 14 نچی جولای ملی کون نشانلش مراسمی جریانیده انفجار حادثه سی یوز بیردی. مراسم جریانیده اهالی ییغینی نینگ ایچیگه بیر عراده کامیون موتر کیریب، هیداوچی سی نینگ اهالی گه قره ته فیر قیلگن لیگی باعث 84 کیشی جان بیردی.

اولگن لرنینگ کوپراغی نینگ15 مترلیک  موترنینگ انسانلرنینگ اوستیگه 90 کیلومتر سرعت بیلن هیده ب کیرگن لیگی باعث میدانگه کیلگن لیگی بیلدیریلدی. عین دمده تقریباً 100 کیشی یره لنگن و یره لنگنلردن 47 نفرنینگ وضعیتی نینگ یمان ایکن لیگی معلوم قیلیندی.

خوفسیزلیک کوچلری فیر قیلگن هیداوچینی اولدیرگن. ایریم هجوم چی بولیشی احتمالی باعث عملیات باشله تیلگن لیگی قید ایتیلدی. مذکور موترده کوپ سانده قورال و مهمات موجود ایکن لیگی ایفاده ایتیلدی. حادثه نینگ جاییده گی انسانلردن انچه سی کافی تریا و رستورانت لرگه باریب کیرگن.

پولیس اهالی نینگ تشقری چیقمس لیکلری اوچون آگاهلنتیردی. هجوم چی نینگ 31 یاشده تونس لیک بیر کیشی ایکن لیگی نایس ده حیات کیچیریب تورگن لیگی بیلدیریلدی.

فرانسه جمهور رئیسی فرانسوا اولاند حادثه نینگ آرتیدن آوینیون ده گی تعطیلینی قوییب، باشکینت پاریس گه ییتیب باردی، باش وزیر و کابینه بیلن اضطراری جلسه اویوشتیردی. آرتیدن الیزه سراییدن خلق گه خطاباً یینه بیر بار قورقیش بیلن یوزمه – یوز بولگن لیکلرینی فرانسه نینگ ترور تهدیدی آستیده ایکن لیگینی بیان ایتدی.

اولاند مذکور هجوم نینگ فرانسه اوچون کتته اهمیت گه ایگه 14 نچی جولای مستقل لیک کونی یوز بیرگن لیگینی قید ایتیب، هجومچی نینگ اولدیریلگن لیگینی عین دمده تیگیشلی اداره لرنینگ اضطراری حال ده ایکن لیگینی بیلدیردی. تروریزم گه قره ته مجادله ده ینگی بیر دورگه باشله گن لیکلرینی معلوم قیلدی.

فرانسوا اولاند 26 نچی جولای کونی نهائی بوله دیگن اضطراری وضعیت نینگ 3 آی داها دوام ایترلیگینی ایتیب اوتدی.