سودان اسلامی حرکتی نینگ رهبری وفات ایتدی

سودان اسلامی حرکتی نینگ رهبری وفات ایتدی

سودان ده اسلامی حرکت نینگ اینگ مهم رهبرلریدن سنلگن حسن ترابی 84 یاشده اولدی. سودان تلویزیونی ترابی نینگ باشکینت خارطوم ده گی بیر شفاخانه ده کوما حالتده ایکن وفات ایتگن لیگینی بیلدیردی. سودان تلویزیون لری نورمال نشراتینی کیسیب، اعزادارلیک برنامه لری نشر قیلیب باشله دی.

حسن ترابی 1989 نچی ییل یوز بیرگن کوداتانینگ آرتیدن عمر البشیرگه همکارلیک قیلگن لیگی باعث "انقلاب اسلامی" معماری اوله راق بیلینماقده دیر. ترابی میلادی 1999 نچی ییل گچه سودان ملت مجلسی نینگ باشلیغی صفتیده وظیفه بجرگن، آرتیدن جمهور رئیس عمر البشیر اداره سیدن ایریلیب، سودان خلق کنگره سی حزبینی تأسیس ایتگن دیر.

حسن ترابی عمر البشیر گه قیلگن مخالفت لیگی باعث بیر نیچه بار قماقخانه و اوی حبسی گه محکوم ایتیلگن دیر. اینگ سونگ میلادی 2011 نچی ییل اولکه ده حضورنی برهم اورگن لیگی شدت حادثه لریگه همکارلیک قیلگن لیگی باعث قماقخانه گه محکوم ایتیلگن ایدی.