دنیا نینگ اینگ فقیر اولکه سی اراکان لیک مسلمان لر گه جای بیردی

گامبیا دنیا اولکه لری نی اویَلتیریب قویدی.
دنیا اولکه لری عکس العمل کورستمس ایکن, نفوسی نینگ اوچ دن بیر قسمی کونده ۱,۲ دالر بیلن یشش گه حرکت ایتیتگن گامبیا, دینگیز نینگ اورته سیده آچ و سوو سیز قالیب کیتگن اراکان لیک مسلمان مهاجر لر نی قبول ایتیش گه تیار ایکن لیگی نی معلوم قیلدی.
آلدین اندونیزیا بیلن مالیزیا اوتکینچی اوله راق اراکان لیک مسلمان لر نی قبول ایته دیگن لیک لری نی بیلدیررایکن, دنیا نینگ ایلغار اولکه لری ایسه اوشبو مسلمان لر نینگ وضعیتی بیلن علاقه لی سیس سیز بولیب قالگن ایدی.
دنیا نینگ اینگ فقیر اولکه لری دن بیری بولگن گامبیا نینگ اوشبو حرکتی ایسه ایلغار اولکه لر گه بیر درس خصوصیتی گه ایگه.
گامیبا, دینگیز نینگ اورته سیده کیمه نینگ ایچیده قالیب کیتگن اوشبو اراکان لیک مسلمان مهاجر لر نی گامبیاده بیر کمپ گه جایلشتریش نینگ مقدس وظیفه لری دن عبارت ایکن لیگی نی معلوم قیلدی.
عینی دمده گامبیا, اوشبو مهاجر لر کمپی اوچون خلق ارا جامعه نینگ خیمه, توشک, کمپل, ادویه و اوی بیوم لری یاردم ایتیش لری نی طلب ایتدی.
بوندن تشقری امریکا قوشمه ایالت لری تشقی ایش لر وزیرلیگی نینگ سوزلاوچیسی ماری هرف هم, اولکه سی نینگ خودی منه شو اراکان لیک مسلمان لرنینگ اویغون بیر جای گه جایلشتریلیش لری بوییچه خلق ارا مقیاسده گی فعالیت لر گه ایتکچی لیک ایتیشی نینگ ممکن ایکن لیگی نی بیلدیردی.
میانمارده گی خشونت سببلی اراکان ده یشیتگن مسلمان لر منطقه نی ترک ایتیب باشقه جای لر گه قاچیب کیتیش گه حرکت ایتماقده.