سوریه ده گی بحران گه ییچیم یولی تاپیلیشی گه تیگیشلی تشبث لر

بیش ییلدن بیری دوام ایتیب کیلیتگن سوریه ده گی ایچکی اوروش لرنینگ کونساین یمان له شیب باریتگن خودی منه شو کون لرنینگ اوزی ده اوشبو معما گه خلق ارا بیر ییچیم یولی نینگ تاپیلیشی بوییچه تشبث لر دوام ایتماقده. روسیه نینگ تشبثی بیلن باشله گن, امریکا قوشمه ایالت لری تمانیدن قسماً حمایه له نیتگن و بیرلشگن ملت لر تشکیلاتی خاص نماینده سی ستیفن دی میستورا نینگ هم داخل بولگن بیر مذاکره پروسه سی کون ترتیبی گه کیلگن وضعیتده. سوریه ده گی مخالف لر و بشار الاسد تیزیمی نماینده لری نینگ اشتراکی بیلن مسکوده بولیب اوتگن ییغیلیش ایسه هیچ قندای بیر نتیجه بیرمه دی. میستورا نینگ سوریه پایتختی دمشق ده گی اوچره شوو لری نینگ ایسه قندای نتیجه بیره دیگن لیگی انیق ایمس. اوشبو پروسه دایره سیده, اوچینچی ژنیو ییغیلیشی نینگ بولیب اوتیشی گه قرار قیلینیشی کوتیلماقده.
آلدینگی بیرلشگن ملت لر تشکیلاتی نماینده لری دوریده ایککی ژنیو ییغیلیشی بولیب اوتگن ایدی. براق, عنان دوری ده گی بیرینچی ییغیلیش و ابراهیمی دوریده گی ایککینچی ییغیلیشده آلینگن قرار لر تطبیقی بیر جنبه کسب ایته آلمه گن ایدی. اوشبو ییغیلیش لر نینگ منفی نتیجه بیریشی نینگ اساسی سببی ایسه, بشار الاسد نینگ اقتدار دن اوزاق لشتریلیشی تقدیرده, سوریه ده گی اوروش لرنینگ اداغگه ییته دیگن لیگی گه تیگیشلی پیدا بولیب قالگن فکر فرقلی لیغی دن عبارت ایدی. امریکا قوشمه ایالت لری, اوروپا بیرلیگی, سعودی عربستان, قطر, ترکیه و سوریه لیک مخالف لر بشار الاسد نینگ حتمی بیر شکلده اقتدار نی ترک ایتیشی کیره ک ایکن لیگی نی بیلدیررایکن, روسیه, ایران و بشار الاسد رهبریتی ایسه خودی منه شو تیزیم نینگ دوام ایتیشی نی طلب ایتماقده ایدی. اصلی گه قره گنده سوریه ده گی ایچکی اوروش لرنینگ فقط گینه خودی منه شو بسیط بیر موضوع سببلی دوام ایتگن لیگی نی ایسله تیب اوتیشی میز ممکن.
سوریه ده گی قیین چیلیک فقط گینه بشار الاسد معما سی ایمس, عینی دمده, بعث تیزیمی نینگ ظلمی و تشقی سیاست دایره سیده قورگن اتفاق لری بیلن علاقه لی. براق, اینگ اساسی موضوع نینگ بشار الاسد اقتداری دن عبارت ایکن لیگی انیق. بوندن تشقری, اوشبو سیستم نینگ دوام ایتیشی گه سبب بولیتگن کوچ نینگ بشار الاسد و اشراف سالارلیک دن عبارت ایکن لیگی کورینماقده. کوپلب سوریه لیک لر سوریه دولتی نینگ بشار الاسد تیزیمی دن عبارت ایکن لیگی نی بیلدیررایکن, قالگن سوریه لیک لر ایسه اوشبو نظام نی دیکتاتورلیک و ظلم رژیمی اوله راق قبول ایتماقده. اصلی گه قره گنده خودی منه شو وضعیت نینگ اورته شرق و کوپلب اولکه لر ده موجود ایکن لیگی کورینماقده. دولت لری نی بیر کیشی یاکه بیر آیدیولوژی دن عبارت ایکن لیگی نی قبول ایتیتگن ایریم تبعه لرنینگ هم موجود ایکن لیگی بیلینگن بیر حقیقت نی تشکیل ایتماقده. اورته شرقده عموماً آلیب قره گنده دولت لر نینگ بونگه اوخشش سمبول لر و کیم لیک لر بیلن قوریلگن لیگی سببلی, توغری بولمه سه هم, بوندای بیر مفکوره بیلن علاقه لی حیرت لنمس لیک کیره ک. اورته چاغده اوروپا ده پادشاه لیک لر و فیودالیزم دوریده کوریلگن نظام لرنینگ, ایندی ایسه آز رواجلنگن دیکتاتور دولت لر ده کورینیتگن لیگی کوزگه تشلنماقده. سوریه ده گی وضعیت هم خودی منه شو موضوع بیلن علاقه لی بیر مثال نی تشکیل ایتماقده.
اوشبو دیکتاتور و توتالیتر دولت شکلیده, کوپلب جای لر ده خلق گه باسیم قیلینماقده. شوندای قیلیب اوشبو دولت لرنینگ تبعه لرنینگ هویت لری, ایرکین لیک لری و فعالیت لری نی چیگره لب قویگن لیک لری کورینماقده. اوشبو اولکه لرنینگ تبعه لری نینگ خودی منه شوندای سیاست گه مخالفت ایتیش لری تقدیرده, جزالنتریلیب قیرغین ایتیلیتگن لیگی کوزگه تشلنماقده. افسوس که بوندای دولت لر ده ملکی انسان لر گه قره ته ظلم و قیرغین ظرفیتی نینگ موجود ایکن لیگی کورینماقده. براق, اوشبو وضعیت نینگ سوریه ده کورینگن لیگی دیک, ایریم پیتلرده ایچکی اوروش لر گه هم سبب بوله دیگن لیگی کوزگه تشلنماقده.
بوندای رژیم لرنینگ قتتیق بیر شکلده تنقید ایتیلیب اداغگه ییتیشتریلیشی کیره ک البته که. شوندای قیلیب انسان حق لری نینگ تامین ایتیلیشی اوچون اوشبو توتالیتر لر گه قرشی کوره ش آلیب باریش ضروری. عینی دمده انسان حق لری گه ضد حرکت ایته دیگن دیکتاتور لر گه قرشی ملی و خلق ارا مقیاسده بیر همکارلیک نینگ موجود بولیشی کیره ک. اصلی گه قره گنده عرب بهاری پروسه سی خودی منه شوندای هدف گه ایگه ایدی. تونس, مصر, لیبیا و باشقه اولکه لرده دموکراتیک ریفورم لر نینگ عمل گه آشیریلیشی کوتیلماقده ایدی. براق, اوشبو پروسه آلدین لیبیا, کیین چه لیک ایسه سوریه و حتی مصرده توختب قالدی و حتی یمان بیر وضعیت گه ایله نیب قالدی. ایندی نیمه اوچون دیکتاتورلیک لرنینگ اداغگه ییتیشتیریله آلمیتگن لیگی و اوشبو توغریده قندای قیلیب موفق بولینیشی نینگ ممکن ایکن لیگی باره سیده باش قاتیریش کیره ک. بیرینچی دن برچه سیاسی تیزیم لرنینگ اوزگرتریلیشی نینگ آسان ایمس لیگی و پروسه نینگ باشقریلیشی بوییچه جوده احتیاطلی بولینیشی کیره ک ایکن لیگی نی قبول ایتیش ضروری. ایککینچی دن, باشقه معما لر ده بولگن لیگی دیک, اوتوریتر رژیم لرنینگ اوزگرتریلیشی ایش لری نینگ هم ملکی, دموکراتیک و تینچ لیک سیور بیر شکلده بولیشی کیره ک.
مثال قیلیب آلگنده یومشاق کوچ میتودی ده, معما لر و دیکتاتورلیک لرنینگ حربی اوروش لر ایمس, بلکه سیاسی کوره ش بیلن ییچیلیشی کیره ک ایکن لیگی بیلدیریلماقده. شوندای قیلیب سوریه و لیبیاده کورینگن لیگی دیک, حربی میتود لرنینگ جوده یمان نتیجه لر گه سبب بوله دیگن لیگی کورینیب تورگن گپ. باشقه چه قیلیب ایتگنده اوروش میتودی انسان لرنینگ قیرغین ایتیلیشی گه سبب بولرایکن, سیاسی میتود لر دن استفاده ایتیلیشی تقدیرده قان توکیلمیدیگن لیگی بیلینگن بیر حقیقت نی تشکیل ایتماقده. اوروش لر نتیجه سیده اولکه نینگ سرمایه سی نینگ قورال ساتیب آلینیتیشی اوچون استفاده ایتیلرایکن, سیاسی و ملکی میتود لر ده ایسه خودی منه شو پول لرنینگ تعلیم و تربیه و باشقه فایده لی ساحه لر بوییچه مصرف ایتیله دیگن لیگی کورینماقده. باشقه بیر تماندن ایسه, قوراللی کوره ش نتیجه سیده ایچکی اوروش لر نینگ باشلب کیتیشی احتمالی سببلی اشغالچی کوچ لر اوچون زمینه یره تیلگن بوله دی.
بونگه اوخشش وضعیت لر سوریه معما سی نینگ نیمه اوچون بوندای بیر سویه گه کیلیب قالگن لیگی و اوشبو قیین چیلیک نینگ قندای قیلیب ییچیلیشی کیره ک ایکن لیگی خصوصیده بیر فکر نینگ پیدا بولیشی گه سبب بولماقده. میلادی ۲۰۱۵ نچی ییلیده باشلب کیتگن سوریه مسئله سی گه بیر ییچیم یولی نینگ تاپیلیشی بوییچه تشبث توغری سیده موفق بولیب چیقیش اوچون خلق ارا جامعه نینگ هم اوشبو وضعیت نی نظرده توتیشی نینگ فایده لی بولیشی ممکن.