خطرلر و امکانیتلر

خطرلر و امکانیتلر

تاریخی بیر باسقیچ نینگ مهم بیر پیتیده میز. بیر تامانده گلوبال ناانیقلیکلرنینگ کوپه یب باراتگن لیگی، بویوک کوچ رقابتی نینگ گلوبال وضعیت گه بارگن لیگی و برچه منطقوی آست سیستملرده حس ایتیلگن کینگ قمراولی بیر اوزگریش یوزبیرماقده. باشقه تاماندن تورکیه گلوبال وضعیتی گه ایلنگن معمالرنینگ اورته سیده اورین آلماقده. اوکراین اوروشی قفقازیاده گی تینچلیک جریانی، بالکانلرده پارتلش گه تیار محلی توقنه شوو معمالری، یونان نینگ بیانات و سیاستی، شرقی اورته ییر دینگیزیده گی انرژی رقابتی و امریکا قوشمه ایالتلری نینگ منطقه ده گی علاقه سی، شمالی افریقا خطی نینگ اینگ قیزیق موضوعی بولمیش لیبیانینگ پارچه لنیشی، سوریه ده دوام ایتیب تورگن برقرارسیزلیک فضاسی، عراقده گی سیاسی ضعیفلیک، ایرانده یوزبیرگن مظاهره لر سبب بولگن ناانیقلیکلر. رویخط نی کوپه یتیریش ممکن کوریله دی. شونده ی بولیب اوکراین اوروشی سبب بولگن انرژی و آذیق – اوقات بحرانی بیلن تورکیه اوچون هم فرصت همده ینگی خطرلر موجود. برچه بو موضوعلرگه اقلیم اوزگریشی کبی اطرافنی سقلش موضوعلرینی و کیریب کیله یاتگن گلوبال اقتصادی قیینچیلیک قوشیلگنده تورکیه 2023 ییلی گه کیرگنده جیوپولیتیک فضانینگ جوده حرکتلی بوله جگی معلوم.  

 آآ

خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه فکر و ملاحظه لرینی اعتبارینگیزگه حواله ایته میز.

بولردن بیز 2023 ییلی اینگ کوپ بحث قیله دیگن موضوع اوکراین اوروشی بوله دی. اوروش نینگ یکونلنیشی ممکن کوریلمه یدی. چقورلشیب دوام ایته جگی کوتیله دی. زلنسکی نینگ واشنگتن سفری امریکا قوشمه ایالتلری نینگ اوکراین گه قره ته حربی یاردمینی کوپه یتیره جگینی، قاله ویرسه شکلینی هم اوزگرتیرگن وضعیتده. شونده ی بولیب اوروش نینگ دوام ایته جگی گه تیارگرلیک کوریش گه فایده بار. اوروش دوام ایتیب تورگن بیر وضعیتده بوندن تاباره کوپه یمه گن تقدیرده تورکیه نینگ مقامی نینگ تاباره کوچه ییب باریشی ممکن. حتی بو پوزیشن تورکیه نی دیپلوماتیک و جیوپولیتیک اوله راق هم کوچه یتیره دی. انرژی، اروپا خوفسیزلیگی و آذیق – اوقات خوفسیزلیگی کبی موضوعلرده تورکیه اوینه گن اکتیف رولینی کوچه یتیریشی ممکن. اوروش نینگ جهت اوزگریشی ویا کوپه یشی تقدیرده تورکیه نینگ موجود پوزیشنینی دوام ایتتیریشی قیین بولیشی ممکن و انقره – بروکسل – واشنگتن چیزیغیده بحرانی بیر جریان یوز بیریشی ممکن. 2023 ییلی بیز اوکراین اوروشی بیلن گپیره دیگن موضوع قاره دینگیز بوله دی. قاره دینگیزنینگ اوروشدن کیین امریکا قوشمه ایالتلری نینگ ساحه سیگه کوپراق کیرگن لیگی و بو نقطه ده قاره دینگیز اولکه لری بیلن روسیه ضدی ینگی بیر جریان ایجاد ایتماقچی ایکن لیگی کوریله دی. شونده ی بولیب "کینگه یتیریلگن قاره دینگیز پروژه سی" گه دقت تارتیش کیره ک.

2023 ییلی نینگ اولیملی کون ترتیبی اوله راق اورته شرق نورماللشوو جریانی نینگ اوزلیکسیز دوام ایته جگینی کوتیشیمیز ممکن. منطقه اوکراین اوروشیدن کیین اولکه لرنینگ اوز اورینلرینی قیته دن تعیین قیلگن بیر جریان یوزبیرماقده. نورماللشوو هم بو فضا ایچیده یوزبیره دی. سعودی عربستان، بیرلشگن عرب امیرلیکلری، اسرائیل بیلن آلیب باریلگن نورماللشوو جریانی نینگ کوپراق شکللنیشینی ایتیش ممکن. مصر بیلن استه – سیکین آلغه بارده دی بیراق 2022 گه کوره انچه فرقلی بیر جریان یوزبیریشی کتته احتمال.

سوریه دوسیه سی ایسه قیزیق بوله دی. ییل نینگ سونگگیده مسکوده بولیب اوتگن اوچ تامانلیک جلسه 11 ییل نینگ آرتیدن آتیلگن اینگ بویوک آدیم. اوچلیک میکانیزم نینگ دواملی بیر ساختار ایتیب 2023 ییلیده دوام ایته جگی و آدیم آدیم دوسیه آرقه لی آلغه باره جگی کوریله دی. ترورچیلیک، قاچقینلرنینگ قیتیب باریشی و سیاسی ییچیم توغریسیده تیزده نتیجه کوتمسلیک کیره ک، بیراق آلغه باره جگی هم انیق. جمهور باشلیغی ایردوغان بیلن بشارالاسد اورته سیده بیر اوچره شوو ممکن می بیلمه یمن، بیراق سیلاو آلدی بونقه بیر اوچره شوونینگ مسکونینگ واسطه چیلیگی بیلن بولیب اوتیشی هیچ کیم گه قیزیق ایمس. احتمالی نتیجه لریگه قره گنده رژیم بیلن سوریه ملی اردوسی اورته سیده گی حربی بحران نینگ یوق قیلینیشی، پی کاکانینگ اکتیف شکلده چیتلنتیریلیشی، قاچقینلرنینگ استه – سیکین قیتیب باریشی و ادلب توغریسیده آلغه باریشی ممکن. ایران نینگ جریانگه توسیق بولیش اورونیشی و دمشق نی تورکیه دن اوزاق توتیش اورونیشلری نینگ بعضی بیر کلفتلری بولیشی ممکن. واشنگتن نینگ جریاننی قوللب – قوتلشی ایسه ممکن ایمس. بو توغریده اونچه مثبت فکرده بولمه سمده همه نرسه مثبت آلغه باریب دوسیه لر اوستیده مثبت آلغه بارگن تقدیرده جاری ییل نینگ ایلک آلتی آییده یوتوقلی بیر وضعیت بوله دی.

2023 ییلی نینگ ایلک آلتی آییده دقت ایتیش گه سزوار مهم باشلیقلردن ینه بیرته سی ایسه تورکیه – یونان اورته سیده گی بحران دیر. ایککی تامانده هم سیلاولر بار و آتن موجود تحریک سیاستیدن وازکیچمه یدی. آراللرده قورال جایلشتیریلیشی و 6 میلدن 12 میل گه چیقریش حمله سی تورکیه نی یونانگه قرشی آدیم آتیش گه مجبور قیلیشی ممکن و سیاسی و حقوقی کیلیشماوسیزلیکلر آنیدن برهم ییب کیتیشی ممکن. ایش بو مرحله گه بارسه اوچونچی تامانلر جریان ایچیده برقرارلیک تامین ایتووچی واسطه چی بوله آلمه گن تقدیرده آتن – انقره بحرانی کوپه یشی ممکن.    

2023 ییلیده تشقی سیاست اجنده سیده اورین آلگن موضوع بار. برچه سیدن بحث ایتیش ممکن ایمس. بیراق ینگی ییل نینگ حرکتلی اوتیشینی تخمین ایتیش قیین ایمس. 2023 ییلی جمهور رئیسلیک سیلاوی تورکیه جمهوریتی ایککینچی عصرگه کیرگن بیر باسقیچ یوز بیرماقده. تورکیه نینگ جیوپولیتیک و خوفسیزلیک فضاسی انچه رقابتلی و محدودلشتیرووچی بوله دی و تورکیه نینگ ایککینچی عصرده گی ستراتیژیک یانداشووی بیلن تیگیشلی بیر بیری بیلن رقابتده بولگن جیوپولیتیک پروژه لر بوله دی. 2023 ییلی فقط ایچکی سیاست جهتیدن ایمس، تورکیه نینگ منطقوی و گلوبال ستراتیژیک یانداشووی جهتیدن هم اولکه نینگ ایککینچی عصری نینگ باشلنغیچی بوله دی. شونده ی بولیب سیلاولر تورکیه نینگ جیوپولیکینی شکللنتیرووچی اینگ کوچلی دینامیک بوله دی.

خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه فکر و ملاحظه لرینی اعتبارینگیزگه حواله ایتدیک.