اروپا سیاسی همجمعیتی و اروپانینگ کیلجگی
تحلیل و تیکشیروو
اروپا سیاسی همجمعیتی و اروپانینگ کیلجگی
میلادی 2021 ییلی نینگ می آییده ایلک مرته فرانسه جمهور باشلیغی ایمانویئل مکرون تامانیدن اورته گه تشلنگن اروپا سیاسی همجمعیتی پروژه سی دستلبکی عملی آدیمینی 6 اکتوبر تاریخیده پراگده بولیب اوتگن جلسه ده آتگن بولدی. اینیقسه BRETIX، پاندیمی و اوکراین اوروشی بیلن اروپانینگ کیلجگی قنداغ تاثیرلنیشی بوییچه تارتیشوولر تیپه گه چیققندی. آلمانده مرکل اقتداری نینگ اداغگه ییتیب باریشی بیلن اروپاده هم بیر ییتکچیلیک معماسی توغگن لیگی بیلن تیگیشلی گپلر پیدا بولگندی. شونده ی بولیب فرانسه، آلماندن بوشه گن ییتکچیلیک اورنینی اینیقسه سیاسی اوله راق تولدیریش نی مقصد قیلیب آلگن بیر پولیتیکا یوروتدی. شونده ی بولیب فرانسه نینگ دیپلوماتیک اورونیشلری بیلن یوتوقلی آلغه بارگن ینگی میکانیزم اروپانینگ دنیا سیاستیده گی آغیرلیگینی تیپه گه چیقریش هدفینی اورته گه قویدی. بو موضوع فرانسه جمهور باشلیغی اوچون هم انچه اهمیت گه ایگه شکللی. شونده بولیب بیرینچی باسقیچده اروپا سیاسی همجمعیتی مکرون نینگ اروپا سیاستی و دنیا دیپلوماسیسیده گی ییتکچیلیک مقامینی کوچه یتیریش اورونیشی ایتیب تن آلیندی. بنا بو جهتدن سونگگی ییللرده دنیا دیپلوماسیسیده تاثیری تاباره کمه ییب بارگن فرانسه و بو توغریده تنقیدلرگه دوچ قالگن مکرون جهتیدن اروپا سیاسی همجمعیتی نینگ انچه اهمیتی بار.
آآ
خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه فکر و ملاحظه لرینی اعتبارینگیزگه حواله ایته میز.
اروپا سیاسی همجمعیتی نینگ ایلک مرته پراگده اوتکزگن جلسه سی اروپانینگ کیلجگینی قنداغ شکللنتیرماقچی بولگن لیگی بوییچه اشاره لر بیرماقده. بیرینچی موضوع البته کی روسیه تامانیدن اوکراینده آلیب باریلگن اوروشدن عبارت. اروپا سیاسی همجمعیت پروژه سی روسیه ویا ایریم بیر اولکه شونده ی بولیب ایریم بیر تهدیدگه قرشی کوچلی بیر یانداشوو اورته گه قویمه گن حالده زمان جهتدن اروپانینگ روسیه نینگ اوکراین گه مداخله ایتیشی گه سبب بولگن کوپ بعدلی بحرانلرگه قرشی قنداغ کوره ش آلیب باریشی نقطه نظردن جوده مهم. بناً اوکراین اوروشی کوپلب جهتدن اروپانی کینگ کولملی بیر سیناو بیلن دوچ قویگن وضعیتده.
بولردن اینگ مهمی انرژی معماسی دیر. اروپا عموماً انرژیده روسیه گه باغلیغ. اروپانینگ ییللیک طبیعی گاز مصرفی 500 میلیارد مترمکعب اطرافیده و بونینگ یرمی روسیه دن تامین ایتیلماقده. بیراق اوروش باعث اروپا بیلن روسیه اورته سیده دوام ایتیب تورگن کیلیشماوسیزلیکلر، شمال آقیمی 1 پایپ نل ظرفیتی نینگ توشیریلیشی، شمال آقیمی 2 پروژه سی نینگ امریکا قوشمه ایالتلری نینگ اعتراضی طفیلی فعالیت گه اوتمه گن لیگی و روسیه گه قره ته کیریتیلگن آغیر سیاسی و اقتصادی چیکلاولر گاز نرخی نینگ تیپه گه چیقیشی گه سبب بولدی. بو اروپانی الترناتیف گاز قیدیروویگه سوق بیرگن بولسه ده اروپا 2023 ییلیده جدی گاز قیینچیلیگی گه دوچ قاله دی. هم گازنینگ تامین ایتیلیشی همده گازنینگ ذخیره قیلیشی و کوپه ییب بارگن قیمتلر طفیلی یوزه گه چیققن کتته معمالر اروپانی انرژی توغریسیده چقور بیر اقتصادی و سیاسی بحران گه دوچ قویگن بولدی. بناً اروپانینگ انرژی بحرانیگه بیر چاره تاپیشی شرط.
شونده ی بولیب اوکراین اوروشی اروپا خوفسیزلیک توزومی بیلن تیگیشلی هم بیر باش کوتریش نی یوزه گه چیقردی. روسیه نینگ اوکراین نی اشغال ایتیب آلیش اورونیشی اروپا تامانیدن ساووق اوروش نینگ آرتیدن یوز بیرگن بیر مقام اورین بوزیلیشی گه قره ته بیر تشبث ایتیب کوریلماقده. ناتوده آلیب باریلگن پولیتیکا اوزگریشی اروپانینگ روسیه نینگ قرشیسیده خوفسیزلیگینی مستحکملش بوییچه بیر حمله اوله راق عملی قیلینگن بولسه ده اوروش سبب بولگن ناانیقلیکلر و ریسکلر اروپا خوفسیزلیگی بیلن تیگیشلی خواطرلرنی کوپه یتیرگن وضعیتده. اینیقسه انگلستان نینگ اروپا بیرلیگیدن اجره لیب اوزیگه بیر جهت تنله شی اروپانینگ خوفسیزلیک توزومی نی قیته دن تیکلش گه مجبور قیله دی. بناً اروپا سیاسی همجمعیتی اروپانی کوچلی بیر شکلده بیر جایگه توتیش اوچون آتیلگن بیر آدیم اوله راق کوریلماقده. بیراق اروپا سیاسی همجمعیتی نینگ اروپانینگ خوفسیزلیک توزومی گه قره ته ینگی بیر توزوم اورته گه قویگن لیگینی ایتیش قیین. شونده ی بولیب اروپا سیاسی همجمعیتی اروپا بیرلیگی گه بیر الترناتیف اوله راق کوریلمه یدی. بو فقط بحران پیتیده بیر جایده میز معناسیده گی تصویرنی نمایان قیلیشدن عبارت.
اروپا سیاسی همجمعیتینی مکرون نینگ ینگی پروژه دیب قاره له گنلر هم بار. بو تنقیدلر بعضی بیر نقطه لرده حقلی کوریله دی. بیراق موجود احتیاجلر، اروپا بیرلیگی نینگ حدودلریدن تشقری بیر ستراتیژی آلیب باریشی مجبوری قیلماقده دیر. اینیقسه اروپا بیرلیگی اعضاسی بولمه گن لیکن موجود شرایطده کوپراق نمایان بولگن اکتورلرنینگ اروپا سیاسی همجمعیتی گه قتنشیشی (تورکیه کبی) انچه مهم دیر. بو قتنشیشلر اروپا بیرلیگینی روسیه سبب بولگن وضعیتلرگه قرشی کوچلیراق کورستیشی ممکن.
اروپا سیاسی همجمعیتی، ستراتیژیک فکر المه شوویده و کیلگوسی باسقیچده گی سیاست یساووچی موضوعلرده قطعه اولچگیده فعالیت قیله دیگن بیر پلاتفورم بولیش امکانیتی گه ایگه دیر. بیراق بو پلاتفورم نینگ اروپانینگ اصل معمالریگه قیسقه مدت ایچیده ییچیم تاپیشی قیین کوریله دی.
خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه فکر و ملاحظه لرینی اعتبارینگیزگه حواله ایتدیک.
