ینگی عملیات بیلن تیگیشلی بیر تحلیل یازووی
تحلیل و تیکشیروو
ینگی عملیات بیلن تیگیشلی بیر تحلیل یازووی
جمهور باشلیغی ایردوغان نینگ تورکیه چیگره گذرگاهیده گی ترورچیلیک تهدیدینی برطرف ایتیش اوچون تل رفات و منبجده پی کاکا/وای پی جی عصرلرینی تمیزله یدی دیگن بیاناتی، سوریه ساحه سیده جوده قیزیق بیر حیجانگه سبب بولرکن تورکیه قوراللی کوچلری و سوریه ملی اردوسی نینگ تیارگرلیک کوریب بو منطقه لرگه قره ته کینگ کولملی بیر حربی عملیات گه باشله شی کوتیلماقده. اوکراین بحرانی یراتگن ینگی جیوپولیتیک توازن نینگ سوریه گه تاثیر قالدیریش گه باشله گن وضعیتده.
تشقی سیاست تیکسیرووچیسی جان اجون نینگ موضوع بوییچه فکر و ملاحظه لرینی اعتبارینگیزگه حواله ایته میز
جمهور باشلیغی ایردوغان تامانیدن بیریلگن انیق بیاناتلرنینگ آرتیدن دقتلر سوریه ساحه سیگه قره تیلگن وضعیتده ایکن تورکیه قوراللی کوچلری و سوریه ملی اردوسی نینگ تیارگرلیک کوریب تل رفات و منبج منطقه لریده گی پی کاکا/وای پی جی عنصرلرینی آماج قرار بیریش اوچون تیار بولیب تورگن. پی کاکا/وای پی جی ترور تشکیلاتی 2016 ییل روسیه نینگ هوا یاردمی بیلن تل رفات نی قولگه کیریتیب بو جای نینگ اهالیسینی انزوا قیلیب ینه پی کاکا/وای پی جی عنصرلری امریکا قوشمه ایالتلری نینگ هوائی یاردمی بیلن داعش گه قرشی کوره ش دیب باله لرگه زوروانلیک بیلن قورال بیریب عرب و تورکمنلرنی کوچیریب دیموگرافیک مهندسلیگی قیلگن دیر.
ینه ترور تشکیلاتی پی کاکا/وای پی جی نینگ ایککی منطقه نی العزیز، عفرین، الباب، الجرابلس کبی شهرلرگه قره ته ترورچیلیک قیلیش اوچون مرکز اوله راق ایش اگن لیکلری کوریلماقده دیر. تورکیه هم ملی خوفسیزلیگینی تامین ایتیش همده سوریه ده گی منطقه لرنینگ برقرارلیگینی و خوفسیزلیگینی تامین ایتیش اوچون بو منطقه لردن ترور عنصرلرینی تمیزلش نی مقصد قیلیب آلماقده دیر.
نتیجه ده تل رفات و منبجده گی پی کاکا عنصرلری روسیه و تیزیم نینگ قوریقلشی بیلن موجودیتینی دوام ایتتیرر ایکن اوکراین بحرانی یراتگن جیوپولیتیک توازن تورکیه گه حرکت گه اوتیشی اوچون جدی میدان یراتماقده دیر. تورکیه روسیه بیلن دیپلوماتیک اوچره شوولر بیلن جریاننی باشقریب روسیه نینگ بو منطقه دن چیقیشینی تامین ایتیش گه اورونماقده دیر. خوددی شو اوچره شوولرنینگ آرتیدن تورکیه قوراللی کوچلری و سوریه ملی اردوسی نینگ حرکت گه اوته جگینی و جدی مقاومت یوز بیرمه ی بو منطقه لردن ترور تشکیلاتینی تمیزلشینی تخمین ایته آله میز.
تشقی سیاست تیکسیرووچیسی جان اجون نینگ موضوع بوییچه فکر و ملاحظه لرینی اعتبارینگیزگه حواله ایتدیک.
