اوکراین بحرانی و اورته شرقده نورماللشوو جریانی

اوکراین بحرانی و اورته شرقده نورماللشوو جریانی

ینگی ساووق اوروش نینگ بویوک کوچ کوره شی ایچیده اورته شرق اولکه لری نینگ قولگه کیریتگن نتیجه گه کوره روسیه اوکراین اوروشی واشنگتن نی انچه مشغول قیلگن و شونده ی بولیب اورته شرق اولکه لری نینگ خوفسیزلیک معمالری گه امریکا قوشمه ایالتلری تامانیدن اهمیت بیریلمه گن وضعیتده دیر.  

خوفسیزلیک بوییچه تیکشیرووچی یازووچی پروفیسور دوکتور مراد یشیلتاش نینگ بو موضوع بوییچه فکر و ملاحظه‌لرینی اعتبارینگیزگه حواله‌ قیله‌میز .

اسرائیل و کورفزده گی بعضی بیر اولکه لر بایدن باشقرووی نینگ وینده ایران بیلن دوام ایتیب تورگن مذاکره لریده روسیه – اوکراین اوروشی نینگ اوزه ب باریشی باعث تهرانگه جدی فرصتلر بیریشیدن خواطرده دیر.  

ایران نینگ 2015 ییلیده گی هسته ای کیلیشوونی تن آلیش نی قبول قیلگن تقدیرده واشنگتن نینگ ایران نینگ هم راکت ظرفیتی نینگ چیتلنتیریش طلبینی قیتریب آله جگی همده تهران نینگ محلی جنگریلری نینگ منطقه ده گی تاثیر و موجودیتینی کورمسدن کیلیشی اویلنماقده دیر. شونده ی بولیب هسته ای کیلیشوونینگ قیته تیکلنیشی بیلن ایران انقلابی محافظلری نینگ امریکا قوشمه ایالتلری نینگ ترور رویخطیدن چیقریب تشلش احتمالی واشنگتنده بحث بولیب تورگن لیگی مذکور اولکه لر اوچون قبول قیلینیشی جوده قیین بیر خوفسیزلیک مسئله سی اوله راق کوریلماقده.

اینیقسه سونگگی ییللرده امریکا قوشمه ایالتلری نینگ یانداشووی باعث کورفز اولکه لری نینگ امیدلری پوچگه چیقماقده.

واشنگتن نینگ آسیاگه قره ته سیاستی منطقه نینگ اهمیت درجه سیده قوییگه باریش نی کورستماقده. شونده ی بولیب سعودی عربستان و بیرلشگن عرب امیرلیکلریگه قره ته یمنده گی ایران نینگ حمایه سیده گی حوثیلر تامانیدن قول اوریلگن راکت هجوملریگه بایدن باشقرووی نینگ مداخله قیلمه یشی هم بار. بناً کورفز اولکه لری هم حربی تجهیزات تامینی همده ینگی تجاری مناسبتلر ایجاد ایتیش اوچون امریکا قوشمه ایالتلریدن تشقری انچه اولکه بیلن البته کی چین و روسیه کبی بویوک کوچلر بیلن مناسبتلرینی تورلی لشتیریش گه اورونماقده دیر.

امریکا قوشمه ایالتلری ایسه منطقه اولکه لری نینگ بو تورلی لشتیریش سیاستیدن ممنون بولمه گن حالده بوگونگچه بو وضعیت نینگ عکسینچه جدی بیر یانداشوو ایچیده بولمه دی. بیراق کیلگوسیده کوتیلمه گن بیر شکلده واشنگتن باشقرووی کورفز، اسرائیل و شمالی افریقا اولکه لری اورته سیده گی یقینلشوو جریانی گه قتنشیشی ممکن. واشنگتن اورته شرق منطقه سیده گی بو گروپلشوونی اوز بویوک کوچ رقابتیده بیر فرصت گه ایلنتیریش گه اورونیشی ممکن. بو جریان ایچیده موضوعی گه کوره منطقوی همارلیک اوچون ینگی بیر زمینه یوزه گه چیقیشی هم ممکن.

شو وقت اورته شرق منطقه سیده تورلی جلسه لر بیلن ینگی همکارلیک امکانیتلری اوچون فرصت قیدیره یاتگن اولکه لر آره سیده بیرلشگن عرب امیرلیکلری، مصر، سعودی عربستان، اردون، مراکش، بحرین، عراق و اسرائیل اورین آلماقده دیر. تورکیه نینگ اوز مقصدی بیلن ماس بولگن تقدیرده کوپ تامانلی تشبثلرگه کیریشی منفعتی گه بولیشی ممکن. مذکور همکارلیک اورونیشلریگه انقره نینگ ایریم موضوعلرده قتنشیشی تقدیرده کیلگوسیده مذاکره لر اداغگه ییتیب بارگنده منطقه ده ایران نینگ ویا جنگریلری نینگ تاباره کوپه ییب بارگن تاثیری گه غیر مستقیم توازن کیلیشی ممکن. بیراق تورکیه کورفز منطقه لریده تجاری اوزارا منفعت منطقی بیلن حرکت قیلماقده دیر. شونده ی بولیب خوددی شو اورونیشلرنینگ چقورلشیب باریشی انقره نینگ انرژی، توریزم کبی ساحه لرده منطقه اولکه لری بیلن ینگی شریکلیکلر ایجاد ایتیشی معناسیگه کیله دی. شونده ی بولیب امریکا قوشمه ایالتلری بیر کون ینگی ساووق اوروش سبب شرقی اورته ییر دینگیزی و اورته شرق منطقه سیگه واشنگتن مرکزی بولگن بیر اتفاق قوریش ریجه سی گه ایلنگن تقدیرده تورکیه نینگ منطقه اولکه لری بیلن ایریم موضوعلر اوستیده آلیب بارگن بیرگه لیکلری آرقه لی ساحه ده چوکاتدن تشقریگه قالیش احتمالی هم برطرف بولگن بوله دی.  

کیلگوسی کونلرده تورکیه نینگ اورته شرقده نورماللشوو اوچون ینگی آدیملر آتیشی ممکن و بو تورکیه نینگ اوکراین بحرانی جریانیده مهم بیر فرصت قولگه کیریتیشینی تامین ایتیشی ممکن.    

خوفسیزلیک بوییچه تیکشیرووچی یازووچی پروفیسور دوکتور مراد یشیلتاش نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک.