تورکیه نینگ تروریزم گه قرشی کوره شی دوام ایتماقده

تورکیه قوراللی کوچ لری بهار آی لری نینگ کیلیشی بیلن بیرگه عراق نینگ شمالیده ینگی عملیات لر باشلتدی.  پنجه- قفل عملیاتی دیب ناملنگن اوشبو سونگّی عملیات ده تورکیه چیگره یقینی ده گی آواشین باسیان و زاپ منطقه لری نی هدف قیلیب آلماقده.  ترور تشکیلاتی پ.ک.ک نینگ مرکز لری گه قره ته هوا عملیاتی اویوشتیریلرایکن, کوپلب کوماندو هم منطقه گه توشیریلگن وضعیتده. 

تورکیه ترور تشکیلاتی پ.ک.ک گه قرشی کوره شی نی قطعیت بیلن دوام ایتتیررایکن, اولکه ایچیده آلیب باریاتگن حربی عملیات لر بیلن بیر قطارده, چیگره لری نینگ تشقریسیده هم ترور تشکیلاتی نی هدف قیلیب آلماقده.  عراق و سوریه ده ترور تشکیلاتی پ.ک.ک نینگ حاکمیتی ساحه سی نینگ یوق قیلینیشی بوییچه فعالیت لر یوریتیلماقده.  اوشبو دایره ده بهار آی لری نینگ کیریب کیلیشی بیلن بیرگه, قیش اویقوسیدن اویغانگن ترور تشکیلاتی پ.ک.ک نینگ عراق نینگ شمالیده گی اینگ مهم مرکز لری پنجه – قفل عملیاتی دایره سیده اوریله باشلندی.  اف – 16 و قوراللی اوچووچیسیز اوچاق لر بیلن اوریلیاتگن ساحه لرده, کوماندو لر هم دیسانت ایتیلیب تورکیه قوراللی کوچ لری نینگ حاکمیت ساحه سی کینگیتیریلماقده.  اینیقسه آواشین باسیان بیلن زاپ منطقه لریده ینگی ساحه لر تورکیه قوراللی کوچ لری نینگ کنترولی گه اوتر ایکن, منطقه ده گی مغاره و تونل لر هم یوق قیلینماقده.  حاضرگه چه ترور تشکیلاتی اعضاسی 60 گه یقین ترورچی یوق قیلیندی. 

پنجه- قفل عملیاتی بیلن ترور تشکیلاتی گه باسیم قیلینرایکن, قیش اویقوسیدن اویغانیب تورکیه گه قرشی ینگی ترورچیلیک فعالیت لر یوریتیشی نینگ آلدی آلینماقده.  تورکیه نینگ عراق و سوریه ده گی موثر عملیات لری بویوک مقیاسده نتیجه بیررایکن, ترور تشکیلاتی نینگ تورکیه نینگ ایچیده فعالیت یوریتیش ظرفیتی هم اینگ آز سویه گه توشیریلگن وضعیتده.  تورکیه قوراللی کوچ لری نینگ کیلگوسی کونلرده عراقده عملیات ساحه لری نی کینگیتیریب ترور تشکیلاتی نی هدف قیلیب آلیش گه دوام ایته دیگن لیگی نی ایسله تیب اوتیشی میز ممکن.  تورکیه قوراللی کوچ لری نینگ هدفی, ترور تشکیلاتی نینگ مرکز لری نی اوریش, مهم لوژستیک یول لری نی توسیب قوییش, تار ساحه لرده قالیب کیتیشی نی تامین ایتیش و شونده ی قیلیب بوتونله ی یوق قیلیش دن عبارت.