ناتونینگ قیین وظیفه سی
تحلیل و تیکشیروو لوحه سی
ناتونینگ قیین وظیفه سی
روسیه نینگ اوکراین نی اشغال قیلیشی ناتونینگ ساووق اوروشدن کیین دوچ قالگن اینگ کتته تهدیدلردن بیرته سی دیر. بیر مدافعه تشکیلاتی اوله راق ایککینچی جهان حربیدن کیین سویتلر بیرلیگی تهدیدی گه قرشی اروپانینگ خوفسیزلیگینی تامین ایتیش اوچون قوریلگن ناتو روسیه نینگ اوکراین گه قره ته باسیب آلیش اورونیشی باعث اوزاق مدتلیک ستراتیژیسینی قیته دن تیکیشیریب چیقیش گه مجبور بولدی. بو ستراتیژی نینگ مدافعه چی می یاکی هجومچی می بولیشی توغریسیده باش قاتیریلماقده.
خوفسیزلیک بوییچه تیکشیرووچی یازووچی پروفیسور دوکتور مراد یشیلتاش نینگ بو موضوع بوییچه فکر و ملاحظه‌لرینی اعتبارینگیزگه حواله قیله‌میز .
24- مارچ تاریخیده بروکسلده فوق العاده جلسه اوتکزگن ناتو اعضاسی اولکه لرنینگ رهبرلری نینگ بیرینچی مقصدی اوکراینده گی اوروش نینگ ناتو اولکه لریدن بیرته سیگه ییره ییشی گه توسیق بولیش دیر. بو نقطه ده اینیقسه پولندنینگ روسیه تهدیدی بیلن دوچ قالگن لیگی کوریله دی. شونده ی بولیب انچه ناتو اولکه سی اوکراین نینگ روسیه گه قرشی مقاومتینی قوللب – قوتلش اوچون پولند آرقه لی حربی یاردم ییتکیزیب بیرماقده. بو وضعیت پولندنی روسیه گه آچیق هدف وضعیتی گه ایلنتیرگن شکللی. اوروش بیلن قوشنی بولمیش ایریم ناتو اعضاسی اولکه لر هم شونقه قیغوده.
رهبرلرنینگ کون ترتیبیده اورین آلگن ایریم بیر موضوع ایسه ناتونینگ ستراتیژیسی نینگ نیمه دن عبارت ایکن لیگی دیر. 2030 غایه سی دایره سیده روسیه بیلن جلب قیلیش سیاستی نی تعقیب ایتگن ناتو اوکراین اشغالیدن کیین بو سیاستیدن وازکیچیش گه مجبور بولیب قاله دی. شونده ی بولیب روسیه نینگ ییره یه دیگن سیاستی نینگ قچان توخته لیشی انیق ایمس. باشقه تاماندن روسیه نینگ ناتونینگ ساووق اوروشدن کیینگی ییره ش نینگ توخته تیلیشی قاله ویرسه قیتیب ترک ایتیشی هم ناتونینگ روسیه نی بیر تهدید اوله راق کوریشی گه سبب. شونده ی بولیب ناتو اعضاسی اولکه لرنینگ بو توغریده بیر خطده ایتیش قیین.
شو اوچون بروکسل جلسه سی جوده مهم. برچه اعضا اولکه لر روسیه نینگ حقسیز هجومی گه قرشی سیس چیقردیلر، بیراق عملی ادیم توغریسیده بیر حرکت بولمه دی.
ناتوگه قره ته تهدیدلردن بیرته سی ایسه اعضا اولکه لرنینگ مدافعه ظرفیتلری نینگ تاباره کوپه یتیریلیشی بوییچه اورونیشلر. بو توغریده اوزاق مدتدن بیری بیر سیاست بار شونده ی بولیب روسیه نینگ اشغالی بو سیاست نی تیزلشتیرگن وضعیتده. اعضا اولکه لر اورته سیده قوراللنیشده اینگ کم آلمان نینگ 100 میلیارد یورولیک بیر حربی پروگرام باشله تیشی کیلگوسی باسقیچده اروپا قوراللنیش نی کوپه یتیریش تیزلشتیریش گه مجبور. بیراق ناتو اعضاسی اولکه لر ایچیده دوام ایتیب تورگن رقابت بیر معما یراتماقده.
مثال اوچون امریکا قوشمه ایالتلری تامانیدن تورکیه گه عملی قیلگن چیکلاو ناتونینگ روحی گه ضدلیک تشکیل بیره دی. ایریم ناتو اعضاسی اولکه لرنینگ هم تورکیه گه قره ته یانداشوولری اتفاق نینگ بیر جایده بولیشی گه زیان ییتکیزه دی. تورکیه بیلن یونان اورته سیده بیر مدتدن بیری دوام ایتیب تورگن بحران هم بیر کیلیشماوسیزلیکدن چیقریلیشی کیره ک. شونده ی بولیب روسیه اشغالی بو کبی سیاستلردن وازکیچیش اوچون بیر فرصت اوله راق کوریله دی.
روسیه نینگ اشغال سیاستی فقط اروپا خوفسیزلیک تیزیمی گه تاثیر قالدیرمه دی عین دمده دنیا سیاستی گه هم چقور تاثیر قالدیره دیگن بیر نتیجه یوزه گه چیقردی. بو اوروش نینگ تیزده اداغگه ییتیب باریشی بو تاثیرنینگ چقورلشیب کیتیشی گه توسیق بولیشی ممکن. عکسی تقدیرده کینگ بیر اوروش نینگ باشلشینی اشاره قیله دی.
خوفسیزلیک بوییچه تیکشیرووچی یازووچی پروفیسور دوکتور مراد یشیلتاش نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک.
